Оваа универзална маринада е готова за само пет минути, а нејзиниот вкус е богат, избалансиран и совршено може да се приспособи со она што сакате да го подготвите.
Поради тоа што ни се ближи први мај, сите се подготвуваат за уживање во совршени парчиња месо кои можат да бидат такви само ако добро го подготвувате.
Клучот на мекото месо, сочно, а не суво е токму во начинот на којшто ќе го подготвитe за печење на скара.
Се комбинира малку луто, неколку основни состојки кои веќе ги имате во кујната, а може да се користат за пилешко, говедско, свинско, риба или зеленчук. Токму поради тоа постојат некои рецепти кои не може да се заобиколат во текот на сезоната на скара.
Основата на овие маринади лежи во совршено избалансираниот вкус. Јаболков оцет, соја сос и ворчестер сос кои му даваат длабочина и блага киселост.
Мешавината на зачини од чили прав, кумин и пиперка кои носат арома и блага димена нота, додека пак кафеавиот шеќер му дава слаткост и му овозможува создавање карамелизирана кора во текот на печењето.
Лукот дополнително го зголемува вкусот, а малку маслиново масло ги поврзува сите состојки во состав со целината.
Подготовката е исклучително едноставна, доволна сите состојки да ги соедините во еден сад и добро да ги помешате. Потоа додадете го месото или зеленчукот по избор и оставете да впие од маринадата.
Пилешкото и свинското треба да отстојат најмалку 6 часа во оваа маринада, односно максимум до три дена. Говедското и јагнешкото бараат малку подолго спремање, најмалку 12 часа. Зеленчукот може да отстои до 20 минути, па дури и до неколку денови, додека пак за рибата и морските плодови доволно е до 20 минути.
Она што оваа маринада ја прави посебна е нејзината сестраност. Одлично се комбинира со сочно пилешко месо, телешко, свински котлети, лососот или шкампи, но и со зеленчук како тиквичка, печурки, лук или батат.
Оваа маринада е доказ дека за врвен вкус не се потребни комплицирани рецепти туку вистински сооднос на состојки и само неколку минути подготовка.
