Иако избалансираната исхрана помага во одржување на здравјето и стабилноста на хормоните, одредени намирници можат да предизвикаат спротивен ефект.

Експертите предупредуваат дека состојките кои често се наоѓаат во преработената храна, засладените пијалаци и некои „здрави“ алтернативи можат да го нарушат функционирањето на ендокриниот систем и да придонесат за замор, промени во расположението и зголемување на телесната тежина.

Според нутриционистката Тејлор Столт и докторката Ами Хорнаман, овие се намирниците што жените постари од 35 години треба да ги избегнуваат за да ја зачуваат хормоналната рамнотежа.

Растително месо

Иако растителното месо често се промовира како здрава алтернатива, неговиот состав може да ја наруши хормоналната рамнотежа. Главниот проблем е сојата, поточно фитоестрогените – соединенија кои го имитираат естрогенот во телото.

„Многу видови растително месо содржат соини протеински изолати кои можат да предизвикаат хормонални осцилации, особено кај жени чувствителни на промените на естрогенот,“ предупредува Столт за „SheFinds“. Таквите производи често содржат и адитиви, конзерванси и вештачки ароми кои дополнително го оптоваруваат ендокриниот систем.

Вештачки засладувачи

Според зборовите на д-р Хорнаман, фактот дека некој производ е „без шеќер“ не значи и дека е безбеден.

„Вештачките засладувачи како сукралоза, аспартам и ацесулфам-калиум и понатаму можат да поттикнат пораст на инсулинот и шеќерот во крвта“, објаснува таа.

Кога нивото на глукоза е нестабилно, доаѓа до дебелеење и нарушување во претворањето на неактивниот хормон на тироидната жлезда (T4) во активниот облик (T3). Хорнаман додава дека „воспалението што го предизвикуваат овие засладувачи може да доведе до целосен хормонален хаос во телото“.

Индустриски растителни масла

Маслата како репкиното, соиното и пченкарното сè почесто се поврзуваат со хормонални нарушувања. Д-р Хорнаман предупредува дека овие масла се „чиста воспалителна реакција“, бидејќи се обработуваат на високи температури со употреба на хемиски растворувачи и содржат многу омега-6 масни киселини кои ги оштетуваат клеточните мембрани.

„Тоа воспаление ги нарушува хормоналните сигнали, ја влошува инсулинската резистенција и дополнително ја оптоварува тироидната жлезда“, додава таа.

Неоргански соини производи

Соините производи како тофу или пијалаците од соја можат да бидат вкусни, но ако не се од органско и ферментирано потекло, можат да делуваат како хормонални нарушувачи.

„Многу жени се обидуваат да живеат поздраво со вклучување на соино млеко, тофу или протеински барови во исхраната, но ако сојата не е органска и ферментирана, ја нарушува хормоналната рамнотежа“, предупредува д-р Хорнаман.

Фитоестрогените што ги содржи сојата го имитираат естрогенот во телото, па затоа се препорачува избор на ферментирани облици како темпех или мисо.

Д-р Хорнаман заклучува дека подобри извори на протеини се „органски јајца, риба од див улов и чисти колагенски протеини“, додека здравите масти треба да се бараат во „ладно цедено маслиново масло, масло од авокадо, кокосово масло и прочистен путер“.