На интернет кружат фотографии од маска која во еден момент била разгледувана за ликот на мрачниот господар во серијата филмови за Хари Потер, а реакциите на обожавателите се едногласни – добро е што овој дизајн не бил избран!
Поминаа 24 години од снимањето на првиот дел, „Хари Потер и филозофскиот камен“, и светот останува фасциниран од магичната приказна за момчето кое се бори против темните сили. Секој нов детал од снимањето продолжува да предизвикува огромен интерес, од речиси избраните актери до алтернативни изданија на иконските ликови.
Во последниве недели, протечените фотографии од можниот изглед на Лорд Волдеморт предизвикаа бурни реакции. Иако Ралф Фајнс се истакна во улогата, оригиналната визија за неговиот лик била многу поужасна и далеку позлобна.
— lola lolic (@gimmemoregossip) January 7, 2025
Морничави реакции од фановите
Фотографиите од протетиката на Волдеморт ги шокираа луѓето, кои го изразија својот ужас:
„Како дете бев преплашен од Волдеморт. Овој дизајн би ми оставил трауми!“
„Детето во мене има доволно страв од сегашниот Волдеморт. Оваа верзија би ме полудела.“
„Ако ова беше избрано, никогаш немаше да гледам Хари Потер како дете.“
Сепак, дел од фановите го пофалија алтернативниот изглед:
„Овој дизајн е многу поблизок до описот од книгите.“
„Ми се допаѓа што е хуманоидна форма, изгледа уште пострашно!“
И покрај различните ставови, останува фактот дека Волдеморт во изведба на Фајнс ги обележа спомените на генерации обожаватели, а изборот за поумерен дизајн можеби помогна да се постигне токму тој баланс меѓу стравот и фасцинацијата.
