Иако станува збор за добро платена работа што не бара формални квалификации или обука, постои причина зошто не е барана.

Хејли, која на ТикТок е позната како „The Mortuary Tech“, работи како техничар во мртовечница, работа што може да ѝ донесе и до 45.000 фунти (околу 53.000 евра) годишно. Таа редовно споделува детали за својата кариера на социјални мрежи, а во видео ги објасни условите за влез во оваа необична професија.

Иако започнала како оперативец за погребни услуги, со текот на времето напредувала. Сепак, таа нагласи дека не постои јасен пат за влез во индустријата – искуството и сочувството се клучни.

„Единствениот услов што морав да го исполнам беше возачката дозвола“

Според неа, условите за аплицирање за работата биле минимални. „Единствениот услов што морав да го исполнам беше возачката дозвола“, им рече таа на своите следбеници. Се потсети дека сè научила на работното место, следејќи поискусен колега во текот на првата недела и извршувајќи задачи под надзор на погребник.

Ѝ биле потребни околу четири до пет недели за да добие одобрение самостојно да ги извршува сите аспекти од работата. Таа раскажа дека единствениот предизвик со кој се соочила било носењето на ковчегот поради нејзината висина. „Немаше формална обука, добивате брошура и ја читате. Искрено, поголемиот дел од тоа е обука на работното место“, објасни Хејли.

Сега, таа ја користи својата онлајн платформа за да одговара на прашања за нејзината уникатна кариера. Луѓето ја прашуваат за сè, од тоа како се балсамираат телата до нејзините лични желби за погреб. Тиктокерката исто така го користи своето влијание за да поттикне разговори за тагата и справувањето со загубата, а нејзините следбеници редовно изразуваат поддршка за важната работа што таа ја извршува.

„Се грижеше за мојот роднина и знам дека постојано го повторувам ова, без тебе и твојата напорна работа и решителност никогаш немаше да можеме да се збогуваме“, ѝ порача еден следбеник.

„Ги обожавам овие видеа, толку сте интересни“, напиша друг, додека трет додаде: „Неверојатно е тоа што го правите, навистина сакам да го работа тоа“.