Масла што го поттикнуваат растот, специјални шампони, терапија со црвена светлина, масажери за скалпот и иновативни четки, сите тие стекнаа голема популарност.

Според многумина, клучот за поздрав скалп и стимулативна средина за раст на косата е редовното масирање и чешлање, со што се поттикнува подобра циркулација и снабдување со хранливи материи на фоликулите. И додека често се споменуваат луксузни класици како „Mason Pearson“ четките, во последните месеци на ТикТок доминира една јапонска иновација која комбинира повеќе функции во еден уред.

Тиктокерката Николет неодамна стана вирална благодарение на видеото во кое ја користи токму оваа јапонска четка во. „Рутина за обнова на коса“, напиша таа под видеото во кое ја чешла својата долга коса.

Видеото собра 1,4 милиони прегледи и мноштво коментари. „Тукушто ја купив“, „Морам да купам една“, „Извинете, каде можам да најдам ваква четка?“, „Ова изгледа толку релаксирачки“, „Дали ја загрева косата?“, „Дали е тоа пареа?“, беа само дел од коментарите.

Николет подоцна одговори на прашањата – четката не испушта пареа, туку масла, и се работи за електрична спа четка од јапонскиот бренд „L&L Skin“ која автоматски распрснува мешавина од масла и биопептиден комплекс.

Бидејќи интересот беше огромен, таа објави и ново видео: „Имаше толку многу прашања за оваа четка. Ова е јапонска електрична спа четка за коса која распрснува масла и биопептиден комплекс, ја негува косата, ја намалува наелектризираноста и ја обновува кутикулата на косата“, рече таа.

Што тврди производителот?

Според брендот, четката „KUMI“ користи патентирана технологија за атомизација на есенцијални масла што создава фина магла. На овој начин, како што велат, кутикулата на косата се измазнува, а косата добива природен, хидриран сјај без масен изглед.

Дополнително, уредот нуди длабинска вибрирачка масажа на скалпот од 3.000 вибрации во минута, што, според производителот, помага во релаксација, негување на фоликулите и придонесува за поздрав скалп.

Четката доаѓа со тристепени заби со различна должина, што треба да овозможи лесно чешлање без влечење или кубење, со помалку кршење. Исто така, постојат заменливи додатоци – едниот за масажа, другиот за расчешлување – и заменлива капсула со есенцијално масло. За полесно одржување, обезбеден е одвојлив, перлив додаток со заби, што го прави чистењето полесно.

Производителот тврди дека комбинацијата на масло, масажа и технологија може да ја направи косата помека, помазна и повитална и да го претвори целиот третман во мал спа ритуал во домот. Цената на четката е 199 долари, околу 170 евра.