Победничката на реалити-шоуто „Der Bachelor“ откри дека Лукас страдал од синдром на „скршено срце“, што довело до трагедијата.
Катја Кине (40) минатата година ја доживеа најголемата можна загуба – го загуби својот син Лукас (18), кој си го одзеде животот. Сега, за првпат, таа јавно проговори во една искрена и емотивна исповед. Катја смета дека оваа тема не треба да остане табу.
Сопругата на ѕвездата на „Борусија Дортмунд“, Австриецот Марсел Забицер (31), се осврна на околностите што ја предизвикале трагедијата. Лукас изврши самоубиство во март минатата година, но дури сега Катја собра сила да ја сподели болката со јавноста.
Загубата и понатаму длабоко го погодува семејството, особено бидејќи Марсел го прифатил Лукас како сопствен син, иако тој е од претходната врска на Катја.
Со огромна храброст и искреност, поранешната победничка на „Der Bachelor“ изјави дека Лукас страдал од синдром на „скршено срце“.
„Момчињата ретко разговараат со родителите за ’скршено срце‘ поради невозвратена љубов. Но статистиката покажува дека тоа е вториот најчест причинител за самоубиство, особено кај момчињата од 14 до 20 години“, откри Катја во емотивна порака, со што првпат јавно потврди дека нејзиниот син извршил самоубиство.
Украинската актерка, која од 2017 година е во врска со австрискиот репрезентативец и во 2019 ја добија ќерката Мери Лу, минува низ тежок емоционален пат поради трагичната загуба. Тоа беше особено очигледно на свадбата со Забицер во јули на езерото Комо, каде што отсуството на Лукас беше болно забележливо.
„Лукас повеќе не може да ги сподели овие посебни моменти со нас. Неговото отсуство е особено приметно во ваков ден. Среде целата топлина и празничниот дух, останува тивка празнина која не може да се исполни. Колку и да е голема радоста, загубата што ја чувствувам е подеднакво болна“, напиша Катја на „Instagram“ по свадбата, каде што му оддаде почит на покојниот син со црно-бела фотографија на штафелај.
И покрај огромната тага, таа нагласи:
„Лукас беше и останува неопходен дел од нас. Неговото отсуство длабоко ме погодува. Но знам, неговиот дух секогаш ќе живее во нашите срца, мисли и спомени.“
Катја смета дека во времето по смртта на Лукас научила многу за тагата, самолекувањето и духовноста. Марсел, пак, ја покажа својата солидарност со починатиот: на натпреварот против Борусија Менхенгладбах, само неколку дена по трагедијата, постигна гол и го подигна прстот кон небото во знак на сеќавање.
Катја денес објаснува како се чувствува речиси една и пол година по загубата на својот син:
„Тоа е процес составен од многу мали и големи чекори. Важни пресвртници за мене во последните месеци беа ретроспекцијата и рефлексијата, самолекувањето и свесната работа на тагувањето. Тоа вклучуваше вежбање, исхрана, нови предизвици и духовност.“
На прашањето дали верува во задгробен живот, таа одговори:
„Тоа е многу возбудлива тема, која интензивно ја истражувам веќе една година. Многу ми помага и ми дава надеж.“
