Трифуновски со хет-трик го водеше Кромберг & Шуберт до победа над Макстил

Макстил 1-4(2-7) Кромберг & Шуберт

Макстил: Мартин Блажевски 16”, Бојковски Бобан 26”

Кромберг & Шуберт: Пеце Наумовски 17” 30”, Иве Трифуновски 20” 20” 37”, Александар Крстевски 20” 38”

Со израмнети сили започна натпреварот помеѓу екипите на Мастил и Кромберг & Шуберт. И двете екипи наметнаа брзо темпо на игра уште од самиот старт. И кај двете екипи голем акцент беше ставен на цврстата одбрана и смирената игра во задните редови, па така и покрај неколкуте добро изградени акции, и двете екипи тешко доаѓаа до отворени шанси за гол цели 16 минути. Сето ова се промени во последните 4 минути од првото полувреме кога Макстил прва поведе со гол во реализација на Блажевски 16” за водство од 1-0. Екипата на Кромберг & Шуберт брзо возврати и преку Наумовски 17” го израмни резултатот на 1-1. Во тие моменти екипата на Кромберг & Шуберт притисна во предно поле, па дуото Трифуновски-Крстевски успешно искористија пад пад на концентрацијата кај екипата на Макстил и во 20та минута успеаа да постигнат дури три голови за водоство на Кромберг & Шуберт од 1-4, резултат со кој се отиде на полувремето.

Во почетокот на второто полувреме екипата на Макстил успеа да ги консолидира своите редови и во 26” со погодок во реализација на Бојковски успеа да ја намали негативата на 2-4, но Кромберг & Шуберт веднаш потоа ја заигра својата препознатлива игра па до средината на второто полувреме повторно го зголеми водството на 2-5. Во финишот од второто полувреме Макстил се обиде да наметне притисок во предно поле но екипата на Кромберг & Шуберт остана присебна, и со два погодоци во последните три минути од натпреварот резултатски се оддалечи на 2-7, резултат со кој заврши овој натпревар.

Службена

С.Ц. Борис Трајковски 0-3(0-3) Лукоил

С.Ц. Борис Трајковски:

Лукоил:

Стојановски со 5 гола го водеше Атлантик Груп до победа над ТАВ

ТАВ 4-8(3-2) Атлантик Груп

ТАВ: Ивица Продановски 9” , Алмир Имер 11”, Дарио 17”, Сабир Лесоковица 39”

Атлантик Груп: Далибор Тасевски 3”, 18”, Благојче Стојановски 24” 28” 29” 37” 40”, Кристијан Филиповски 34”

Крајно израмнето прво полувреме одиграа екипите на ТАВ и Атлантик Груп. Прва до водство дојде екипата на Атлантик Груп кога во 3” успеа да поведе со 1-0. Екипата на ТАВ преку Продановски успеа да го израмни резултатот на 1-1. Во овие моменти екипата на ТАВ ја превзеде иницијативата и преку дуото Имер-Десниќ успеа да стигне до водство од 3-1. Во самиот финиш од полувремето кај Атлантик Груп повторно проработе Тасевски кој успеа да налу на 3-2, резултат со кој се отде на полувремето.

Во второто полувреме се беше во знакот на Стојановски од Атлантик Груп. Стојановски со маестрална игра и одлична реализација успеа да постигне дури 5 гола. Екипата на ТАВ немаше решение за вечерва расположениот Стојановски кој на крајот му донесе победа на Атлантик Груп од 4-8.

Чупи со хед-трик ја водеше УНИКА до победа над LC Waikiki

УНИКА 9-4(2-2) LC Waikiki

УНИКА: Шабан Чупи 13” 19” 27”, Рони Адеми 21” 22”, Бесим Нухиу 24”, Арбен Нухиу 31”, Беким Љута 33”, Фисник Нухиу 38”

LC Waikiki: Мустафа Мустафа 6” 7” 27”, Есер Сулејмани 28”

Крајно неизвесно прво полувреме одиграа екипите на УНИКА и LC Waikiki. И на двете страни се играше цврста одбрана со која екипите не дозволуваа да се дојде до отворена шанса за гол. Екипата на LC Waikiki преку Мустафа Мустафа кој со два гола во низа 6” и 7” успеа да му донесе предност на LC Waikiki од 0-2, но екипата на УНИКА во своите редови го имаше расположениот Чупи кој во втората половина од првото полувреме со два гола во низа успеа да го израмни резултатот на 2-2, резултат со кој се отиде на полувремето.

Во второто екипата на УНИКА со притисок ов предно поле наметна висок ритам на игра со што успеа да го изненади LC Waikiki. Во ваквата поставеност УНИКА од минута во минута го зголемуваше водството. Екипатана LC Waikiki со чести измени се обидуваше да се врати во овој натпревар, но УНИКА не дозволи да дојде до тоа па на крајот славеше со 9-4.