Томас Франк пиеше кафе во чаша со обележја на Арсенал, па даваше објаснување пред новинарите

Тотенхем играше на „Виталити“ против Борнмут и загуби на драматичен начин во судиското продолжение (3:2), меѓутоа за фановите поболна е сликата која се шири на социјалните мрежи, а во која во прв план е менаџерот на Тотенхем.

Томас Франк беше уловен како пие кафе во хартиена чаша со обележја на Арсенал, а бидејќи станува збор за најлутиот ривал на „петлите“, јасно е зошто фановите жестоко го нападнаа на социјалните мрежи.

По непријатниот пораз, Франк мораше да одговара и на бизарната ситуација која самиот ја режираше, при што нагласи дека се работи за глупава случајност која може да му се случи на секоог.

– Дефинитивно не забележав дека пијам кафе од чашка на Арсенал. Би бил целосно глупав ако знаев за тоа и излезев така на теренот. Тажно е што морам да одговарам на вакви прашања, сигурно никогаш не би направил нешто толку глупаво.

– Арсенал играше на овој стадион пред неколку дена и тоа е единственото логично објаснување зошто дојде до таа сцена. Одиме во погрешна насока ако ова е најважна вест после натпреварот кој го одигравме. Никогаш не би го направил тоа намерно, би бил навистина глупав да смислам такво нешто, – изјави менаџерот на „петлите“.