Првпат пред камера се појавил на 11 години, во тогаш исклучително американската серија „Општа болница“ каде шест години го толкувал ликот на Лаки Спенсер. Токму таа улога му донела пет престижни награди „Еми“.

Најдобрите моменти во кариерата

Сепак, најголемата меѓународна популарност ја стекна преку улогата во серијата „Нешвил“ во која го толкуваше ликот на талентиран кантавтор којшто се обидува да се пробие на кантри сцената.

Паралелно со филмската кариера, Џексон покажал и исклучителен талент во музиката како фронтмен на алтернативниот рок бенд „Enation“, со којшто снимил повеќе албуми. Тој објавил и збирка поезија, а со години работи на книга во која ги истражува врските меѓу уметноста и православната вера.

Детство и приватен живот

Од детството тој растел во религиозно семејство кое припаѓало на протестантската заедница. Како младо момче, одлучил да се тргне од пороците, ветувајќи си себе и на родителите дека ќе се воздржува од алкохол, дрога и предбрачни односи. Во брак стапил на само 20 години.

Сопругата Лиза Вултаџо исто така е актерка, а се запознале на сетот на „Општа болница“. Денес имаат три деца, синовите Кејлеб и Титус и ќерката Адора. Семејството, како што истакнува му е темел и светилник.

Преминување во православието

Еден настан во неговиот живот во 2006 година му ја иницирал духовната трансформација. Во текот на престојот во Романија каде снимал филм, ги посетувал локалните православни цркви и манастири.

Подоцна со сопругата го посетил Рим, а тоа искуство му било поттик да нурне во христијанската историја и традиција.

„Додека снимав филм во Романија во 2006 година, ги посетував локалните цркви и манастири. Од таму отидовме во Рим поради тоа што мојата сопруга по потекло е Италијанка. Во текот на тој период почувствував нешто чудно во срцето. Сакав да дознаам повеќе за историјата на нашата христијанска вера, подобро да ја разберам. Четири години читав и истражував и на крај православната вера најмногу ме привлече“, раскажал Џексон во интервју во 2018 година.

Православието официјално го прифатил во 2012 година.

„Некако чувствував дека отсекогаш сум бил православен, само тоа не сум го знаел. Ме привлече убавината и чистотата на верата, историјата, мистицизмот, молитвите и сите тие работи“, додал Џексон.

По преминувањето во православието почнал почесто да ја посетува и Грција, досега престојувал 10-на пати таму. Посебно внимание за него имале манастирите на Света Гора.

„Овие луѓе ги посветуваат своите животи на молитви и вистински се молат не само за себе, туку за сите нас и за цело човештво. Тоа многу значи во овој свет полн со хаос и лудило“, изјавил актерот.

Љубовта кон православието се пренела и на Србија. Во јуни 2020 година тој ја објавил песната „Косово: Сите жалосни радост“, емотивна композиција на англиски јазик посветена на српските светци на Косово и Метохија, како и манастирот Хиландар. Истата година се преселил со семејството во Ирска, каде активно се вклучил и во основањето на новиот православен центар.