Кејт Мидлтон носи црвено на важни пригоди, а дизајнерката објасни зошто е тоа така и каква порака испраќа.
Без разлика на нијансата, бојата или кројот, принцезата од Велс, Кејт Мидлтон, речиси никогаш не греши кога е во прашање нејзиниот моден избор.
Меѓутоа, неспорно е дека кога се во прашање најважните настани, Кејт често носи облека во смела, црвена боја. Ова речиси стана правило, но многумина се прашуваат зошто во тие моменти ја избира токму црвената, а не некоја друга боја.
Неодамна, Кејт се појави во јавноста со сопругот, принцот Вилијам и другите членови на кралското семејство за да присуствуваат на прославите на Денот на Комонвелтот во Вестминстерската опатија. За таа прилика, таа носеше црвен капут-фустан на Кетрин Вокер кој го искомбинира со соодветен шешир на Џина Фостер. Идната британска кралица, како и секогаш, прекрасно го дополнила својот стајлинг со впечатлив накит, избирајќи да носи ѓердан од четири низа со дијаманти и бисери со соодветни бисерни обетки.
Зад секој стајлинг на Кејт Мидлтон се крие подлабоко значење и симболика. Кејт не се плаши да носи облека во која било боја, но црвената секако е еден од нејзините омилени избори.
Експертката за бои, лична стилистка и модна коментаторка Марина Томас објаснува дека Кејт носи црвено на важни и големи ангажмани од безброј причини.
„Принцезата од Велс често носи црвено на настани кои се многу важни, како и нејзината покојна свекрва, принцезата Дијана. Една од причините зошто Кејт избира да носи црвено е затоа што таа симболизира храброст, сила на волја и пожртвуваност“, рекла Марина за британски „Хелоу!“.
Црвената боја е исто така силно поврзана со љубовта, како и со заштитата, а во многу култури се верува дека ја штити негативноста. Ова е секако моќна порака што Кејт или активно или потсвесно избира да ја испрати до јавноста: порака за единство, сила и надеж.
