Дизни продолжува со трендот на создавање играни верзии на своите анимирани класици, како што беа Dumbo и Beauty and the Beast, а сега на ред дојде и Snow White and the Seven Dwarfs.

Филмот во режија на Марк Веб премиерно беше прикажан во Шпанија, а наскоро се очекува да стигне во кината ширум светот. Сепак, за разлика од другите високо-бучетни продукции, неговата промоција ќе биде ограничена. Причината, според медиумите, е главната актерка Рејчел Зеглер.

Забранети прашања на премиерата

Според Variety, новинарите нема да можат да разговараат со актерската екипа на црвениот тепих за време на холивудската премиера. Се верува дека продукцискиот тим сака да избегне „тешки прашања“ поврзани со контроверзиите за прекумерната политичка коректност во филмот.

Рејчел Зеглер, која стекна слава со улогата во римејкот на West Side Story од Стивен Спилберг, со своите изјави им задава главоболки на луѓето задолжени за маркетингот на Snow White уште од моментот кога беше избрана за главната улога.

Снежана без принцот

Актерката предизвика жестоки реакции откако во 2022 година за Variety изјави дека филмот е „премногу фокусиран на љубовната приказна со човек кој буквално ја демне“.

„Чудно е“, изјави тогаш Зеглер. „Мислам дека не го направивме тоа овој пат. Се плашев од оригиналната верзија. Ја гледав еднаш и никогаш повеќе.“

Како резултат на ова, песната „Some Day My Prince Will Come“, која е еден од најпознатите моменти од анимираниот филм од 1937 година, нема да биде вклучена во новата верзија.

„Снежана нема да ја спаси принцот“, потврди Зеглер во 2023 година. „Таа нема да сонува за вистинска љубов. Таа сонува да стане лидер и знае дека може да биде таква.“

„Џуџињата“ се уште една контроверзија

Покрај промените во приказната, новиот филм значително ги модифицира и самите џуџиња. Наместо класичната седморка од оригиналниот филм, продукцијата решила да воведе CGI-генерирани ликови, со што се избегнало ангажирање на актери со џуџест раст.

Овој потег предизвика критики, особено од здруженијата на лица со ахондроплазија, кои истакнаа дека Дизни, во обид да избегне дискриминација, всушност им ја ускратува можноста за работа на актерите со нисок раст.

Дури и актерот Питер Динклиџ, познат по улогата на Тирион Ланистер во Game of Thrones, ја нарече одлуката дволична.

„Горди сте што имате Латина како Снежана, но сепак ја раскажувате приказната за Снежана и седумте џуџиња?“, рече Динклиџ во подкаст интервју. „Застанете и размислете што правите.“

Реакциите на фановите и индустријата

Во првите тест-проекции на филмот, џуџињата биле прикажани како ликови со различна висина, пол и раса, што дополнително ги разгоре дискусиите за политичката коректност.

Дејвид Хејл Ханд, син на аниматорот Дејвид Хенд, кој го надгледувал оригиналниот филм, изјави за Page Six дека е разочаран од правецот во кој се движи оваа адаптација.

„Оригиналниот филм беше таков каков што требаше да биде“, изјави тој. „Од сè што прочитав, овој нов филм нема никаква врска со приказната. Татко ми веројатно се превртува во гробот.“

Слични реакции се забележуваат и на социјалните мрежи, каде што многу корисници најавуваат дека нема да го гледаат филмот, тврдејќи дека „претераната политичка коректност“ ја уништува суштината на приказната.