Иванка Трамп за време на викендот во кој Американците го славеа Денот на благодарноста, уживаше во семеен одмор на егзотична дестинација, а неодамна на својот Инстаграм профил сподели интересна фотографија од тоа патување. На видеото се гледа убава русокоса како вежба сурфање на специјализиран симулатор, но корисниците на социјалните мрежи гледаа во нејзината витка и беспрекорна фигура.
Иванка Трамп носеше стилски, едноделен костим за капење со бели детали за време на тренинзите за сурфање, покажувајќи ги своите долги нозе и витката, извајана фигура.
Атрактивната 43-годишна жена беше целосно опуштена и видно уживаше во овој морски спорт, постојано насмеана.
Делови од нејзината објава на Инстаграм споделија многу популарни сајтови, а повеќето коментатори се воодушевени од фит изгледот на Иванка, особено поради фактот што таа роди три деца!
Иванка, постарата ќерка на новоизбраниот американски претседател Доналд Трамп, го покажа своето лице без ниту грам шминка, со што докажа дека изгледа многу негувано и младешко.
Инаку, пред неколку месеци Сенди Брокман, личниот тренер на славната русокоса, ја откри нејзината рутина за вежбање, а таа е многу напорна. Имено, таа крева тегови и вежба четири дена во неделата, а повремено воведува и јога. Се грижи и за исхраната, давајќи приоритет на внесот на протеини, секојдневно пешачи, а понекогаш и јава коњи.
Иванка еднаш ја откри својата важна утринска навика, а тоа е денот да го започне со голема чаша вода во која цеди лимон.
„Се будам во 5:30 наутро за да медитирам или вежбам. Сакам да бидам целосно подготвена за новиот ден пред моите деца да станат, за моите утра да бидат целосно фокусирани на нив. Медитацијата е една од најважните работи. Медитирам секој ден по дваесет минути, два пати на ден“, открила Иванка.
