Неговите фотографии од продавницата привлекоа големо внимание во јавноста.
Некогаш ја делеше соблекувалната со Лионел Меси, Чави Ернандез и Андрес Иниеста, ги освојуваше најголемите трофеи во европскиот фудбал, а денес работи во продавница за спортска опрема. Приказната за поранешниот француски репрезентативец Жереми Матје (43) ја изненади фудбалската јавност, но неговата исповед откри многу подлабока и потешка страна на животот по завршувањето на кариерата.
Матје во текот на кариерата одигра 91 натпревар за Барселона, со која освои две шампионски титули во Шпанија и Лига на шампиони. На Камп Ноу пристигна во 2014 година од Валенсија, а по три сезони во Каталонија се пресели во Спортинг од Лисабон, каде што запиша повеќе од 100 настапи и освои три трофеи.
🚨🚨 JÉRÉMY MATHIEU 🇫🇷 POUSSE UN ÉNORME COUP DE GUEULE CONTRE LES MOQUERIES après les photos de lui travaillant chez INTERSPORT 😤👇 :
🗣️ « Non, je ne le comprends pas. C’est MESQUIN. La plupart de ces personnes sont derrière leur ordinateur. Elles ne connaissent ni ma vie ni ce que j’ai vécu.
Elles ne voient que l’ARGENT, jamais le côté HUMAIN. Beaucoup ont écrit que j’étais ruiné et que je n’avais pas investi.
Lorsque des clients me croisaient chez Intersport, certains me demandaient aussi : “Pourquoi tu es là ? Tu étais à Barcelone, tu as plein d’argent !” Mais ça n’avait rien à voir.
Des clients venaient aussi discuter gentiment avec moi. D’autres étaient méchants et me demandaient cash ce que je foutais là et si j’avais encore de l’argent.
J’avais envie de leur répondre : “MAIS VA TE FAIRE FOUTRE !” 😡
Les réactions ont été tellement méchantes. C’est typiquement français : ici, on ne parle que d’argent. Il n’y a aucun côté humain. Après, on se demande pourquoi la France ne tourne pas rond. »
🎙️ So Foot
— Actu Foot (@ActuFoot_) October 28, 2026
Сепак, неговиот фудбалски пат заврши многу порано отколку што очекуваше. Тешката повреда на предниот вкрстен лигамент, која ја заработи на тренинг во јуни 2020 година, практично го принуди да ја заврши професионалната кариера.
Потоа следуваше период со кој не успеваше да се справи. Во април 2025 година, на социјалните мрежи се проширија фотографии од некогашниот фудбалер на Барселона во униформа на продавницата за спортска опрема „Intersport“, во која работел во местото Кабриес, недалеку од Екс ан Прованс.
Многумина тогаш беа шокирани, а некои веднаш почнаа да шпекулираат дека поранешниот фудбалер останал без пари. Меѓутоа, Матје сега одлучи да објасни што навистина се случило.
„Ако работам во ’Intersport‘, тоа е затоа што минувам низ период што ми создава многу проблеми. Можам само да кажам дека сум среде судски процес. Нема да го работам ова засекогаш. Тоа беше начин повторно да имам друштвен живот.“
Французинот призна дека се борел со депресија и дека многу тешко го поднел наглиот прекин на кариерата.
„Поминав низ депресија, нема смисла да го негирам тоа. Ми недостигаа теренот, соблекувалната и сето она што го доживеав. Поради таа повреда немав време да се подготвам за животот по фудбалот. Мислев дека ќе играм уште две години, па психички ми беше многу тешко да ја прифатам реалноста. За среќа, сопругата беше покрај мене. Повеќе не знаев што да правам, бев целосно изгубен“, раскажа Матје, пренесува „SPORTbible“, повикувајќи се на неговото интервју за „So Foot“.
Особено го погодиле коментарите на луѓето што неговата работа во продавницата ја поврзувале со наводни финансиски проблеми.
„Тоа е навистина ситничаво однесување. Повеќето од тие луѓе седат зад екраните. Не знаат ништо за мојот живот ниту за она низ што поминав. Ги гледаат само парите, никогаш човечката страна на приказната. Многумина пишуваа дека сум банкротирал. Кога муштериите ќе ме сретнеа во продавницата, ме прашуваа зошто сум таму, ми велеа дека сум играл за Барселона и дека би требало да имам богатство. Но тоа немаше никаква врска со парите“, порача поранешниот француски репрезентативец.
Така, Матје покажа дека работата што ја изненади фудбалската јавност не била последица на откажување од животот што некогаш го имал, туку обид повторно да воспостави секојдневна рутина и да излезе од тешкиот период.
