Дакота Џонсон и Машин Ган Кели повторно го привлекоа вниманието со заедничкото појавување во Лос Анџелес, каде што беа фотографирани при излегувањето од музичко студио. Нивните сè почести средби дополнително ги поттикнаа гласините за романса, кои ги следат од септември, но тие засега не се изјасниле јавно за природата на нивниот однос.

Актерката и музичарот, чие вистинско име е Колсон Бејкер, претходно беа забележани и за време на вечерно излегување во Холивуд. Снимката од нивното пристигнување во локалот „Say Yes“ беше објавена во средината на октомври, а американските медиуми ја поврзаа со нивните претходни заеднички појавувања во Њујорк.

Како што пренесува британскиот „Daily Mail“, повикувајќи се на извор од нивното опкружување, Дакота Џонсон разговарала со пријателите за нивниот интимен однос, не криејќи колку е задоволна од нивната хемија.

„Им кажала на пријателите дека имаат неверојатна сексуална хемија и дека тоа е најдобриот секс во нејзиниот живот“, се наведува во изјавата што ја пренесува овој британски таблоид.

Според истите тврдења, актерката ја опишала нивната поврзаност како „огномет“, додека изворот навестил дека односот се развива побрзо отколку што првично се очекувало.

Од средби во Њујорк до излегувања во Лос Анџелес

Гласините за можна врска се засилија во септември, кога Дакота и Кели беа фотографирани при пристигнувањето во зградата во која се наоѓа станот на Тејлор Свифт. Потоа следуваа нови средби, а магазинот „People“, повикувајќи се на неименувани извори, објави дека тие веќе извесно време поминуваат време заедно.

Според пишувањето на тој магазин, нивното познанство претходело на зближувањето, а односот постепено се развивал преку дружење и допишување. Сепак, станува збор за тврдења на извори од нивното опкружување, додека актерката и музичарот не понудиле сопствено објаснување. 

Фотографирани пред музичко студио

Најновите фотографии ја прикажуваат Дакота како го чека Кели пред студио во Лос Анџелес, по што двајцата заедно заминале со автомобил. Актерката носела впечатлива јакна со животински дезен, во комбинација со темна основа и голема чанта, додека музичарот бил облечен во поопуштена комбинација.