Некогаш, како дете, ги пробувала фустаните на својата мајка, а денес зад себе веќе има големи модни ревии и признание што дополнително ја вброи меѓу најинтересните млади имиња во светот на модата.
Седумнаесетгодишната Каи Шрајбер, ќерката на Наоми Вотс и Лив Шрајбер, сè посериозно гради кариера во светот на модата.
Каи пораснала покрај двајца познати родители, но се чини дека уште многу рано покажала интерес за сосема поинаков дел од светот на славните.
Наместо филмските сетови, неа ја привлекувале модата и гардероберот на нејзината мајка, а Наоми претходно раскажала дека Каи уште како дете сакала да ги пробува нејзините фустани.
Денес, тој детски интерес прераснал во сериозна кариера. Каи, со само 17 години, веќе привлекла големо внимание во модната индустрија, а неодамна освоила и признание на доделувањето на наградите „Daily Front Row Fashion Awards“, каде што се појавила во впечатлива креација на „Валентино“.
Родителите ѝ даваат целосна поддршка
Каи е родена како Самуел, а денес се идентификува како трансродова жена. Во интервјуата отворено зборувала за својот родов идентитет и за желбата еден ден да стане влијателна жена, а како свои примери особено ги истакнува успешните трансродови модели кои ѝ го отвориле патот во модната индустрија.
Наоми Вотс и Лив Шрајбер ѝ даваат целосна поддршка. Поранешниот пар бил заедно 11 години, а освен Каи, го имаат и синот Саша, кој се испробал во актерството.
Од гардероберот на мајка ѝ до големи модни ангажмани
Каи во последните години е сè поприсутна на модната сцена, а токму комбинацијата од познатото презиме, впечатливиот стил и сопствениот моден идентитет ѝ носи сè поголемо внимание.
Приказната за девојчето кое некогаш ги пробувало фустаните на својата мајка, денес изгледа како природен вовед во кариерата што ја гради пред очите на модната индустрија.
