Познатата адвокатка за човекови права, Амал Клуни, уште еднаш покажа зошто се смета за една од најстилските жени денес. Сопругата на Џорџ Клуни изгледа беспрекорно на новите фотографии што ги сподели нејзиниот фризер Димитрис Јанетос.

Освен стилот, овојпат вниманието го привлече и нејзината освежена фризура.

Таа го претстави елегантното издание во пресрет на престижниот настан „Дијалог за женски иницијативи на Картие“ во Милано, каде што доминираше во модерен, монохроматски аутфит со допир на гламур.

Кожно здолниште како моден адут

Амал носеше впечатливо кожно миди здолниште со крокодилски принт од Ели Сааб. Моделот ја нагласуваше фигурата, со додавање на ремен што го истакнува струкот, додека практичните џебови даваат доза на урбан шарм.

Таа здолништето го искомбинирала со тесен црн топ со елегантно деколте, а изгледот го комплетираше со големи очила за сонце и златна нараквица од синџир.

Нова фризура што го освежува изгледот

Покрај модната комбинација, промената во нејзината фризура привлече и големо внимание. Косата е малку скратена и стилизирана така што нежно го отвора лицето, додека топлите карамел нишки дополнително го истакнуваат нејзиниот тен.

Фризерот открил дека целта била суптилна, но забележлива трансформација, богата кафеава основа со дискретни посветли тонови што додаваат димензија и природен сјај.

Стилистот на познатите личности, Џејсон Колиер, претходно објасни дека ваквите топли тонови ги омекнуваат цртите на лицето и даваат свежина, без премногу контраст, што го прави изгледот на Амал уште пософистициран.