Познатиот филм „The Silence of the Lambs“ сè уште има посебно место во историјата на Оскарите. Иако често се опишува како психолошки трилер, многумина го сметаат за хорор филм, а токму овој филм влезе во историјата како единствен хорор филм што го освои Оскарот за најдобар филм.
Режисер е Џонатан Деми, а главните улоги ги играат Џоди Фостер и Ентони Хопкинс.
На доделувањето на Оскарите во 1992 година, филмот ги освои петте најважни награди: за најдобар филм, режисер, главен глумец, главна глумица и адаптирано сценарио.
Заплетот ја следи младата практикантка на ФБИ, Кларис Старлинг, која ја игра Фостер. Со помош на затворениот и исклучително интелигентен д-р Ханибал Лектор, кој го игра Хопкинс, таа се обидува да го пронајде серискиот убиец познат како Бафало Бил.
Филмот комбинира елементи на криминален трилер и хорор, и токму оваа комбинација на жанрови му помогна да се издвои меѓу другите номинирани филмови.
Заедно со главната награда, Фостер го освои Оскарот за најдобра актерка, додека Хопкинс беше награден за најдобар глумец.
Ниеден хорор филм не го повторил тој успех
Хорор филмовите ретко добиваат награди од Академијата, што може да се види во бројот на номинации низ историјата. Само неколку хорор филмови беа дури и номинирани за најдобар филм, а многу од нив ја загубија наградата од филмови од други жанрови.
На пример, филмот „Jaws“ во режија на Стивен Спилберг загуби од филмот „One Flew Over The Cuckoo’s Nest“. Слично се случи и со филмот „Get Out“ во режија на Џордан Пил, кој на крајот загуби од филмот „Обликот на водата“.
Една од причините за успехот на филмот „The Silence of the Lambs“ беше конкуренцијата во годината кога го освои Оскарот. Во 1992 година, филмот се натпреваруваше со наслови како „JFK“, „Bugsy“, „The Beauty and the Beast“. Оттогаш, ниеден хорор не го повторил тој успех, па „Тhe Silence of the Lambs“ повеќе од три децении подоцна останува единствен случај во историјата на Оскарите.
