Ајдол во разговорот зборуваше за својата кариера, турбулентниот живот и односот со разни дроги пред да се отрезни. Неговото признание предизвика изненадување бидејќи отворено опиша како се обидел да ја прекине зависноста.

Зборувајќи за периодот кога се обидувал да се откаже од хероин, Ајдол објасни дека посегнал по друга дрога. „На што се свртувате кога се обидувате да се откажете од хероин? Па, на нешто друго. Почнав да пушам крек за да се ослободам од хероин. И успеа“, рече тој. Потоа додаде дека таквиот пристап воопшто не го смета за добар совет. „Ова веројатно е најлошата реклама за тоа, но функционираше – се откажав“, истакна.

„Тоа беше пред многу години и мило ми е што се извлеков“

Во разговорот се осврна и на својот поранешен животен стил поврзан со рок сцената. Рече дека имал и „фаза со кокаин“ и дека експериментирал со различни супстанци пред конечно да се отрезни.

Ајдол исто така забележа дека е застрашувачка помислата луѓето да почнат да користат дроги подоцна во животот. Полушеговито додаде дека му е драго што тој период го поминал додека бил помлад, бидејќи тогаш имал повеќе „енергија“ за таков начин на живот.

За време на разговорот тој и Маер се насмеале на неговата забелешка дека станува збор за лош совет за откажување од хероин. Ајдол нагласи дека сето тоа се случило пред многу години. „Тоа беше пред многу години и мило ми е што се извлеков“, рече тој. Денес отворено зборува за тој период од својот живот.

Експертите предупредуваат дека ваквиот пристап никако не е препорачлив начин за лекување зависност, пишува „Unilad“. Американскиот Национален институт за злоупотреба на дроги наведува дека третманот им помага на луѓето да се спротивстават на ефектите од зависноста врз мозокот и однесувањето и повторно да ја преземат контролата над својот живот.

Кај зависност од опијати, како што е хероинот, лековите често се прва линија на лекување, обично во комбинација со терапија или советување. Лекувањето, нагласуваат експертите, треба да биде приспособено на индивидуалните потреби на секоја личност.