Без оглед на наглиот раст на цените во Италија и натаму важи за една од најевтините скијачки дестинации.

Поради неверојатниот раст на цени на „ски пасовите“ во Италија, овој спорт би можел наскоро да стане привилегија исклучиво за богатите, предупредил претседателот на Здружението на италијанските потрошувачи, Габриеле Мелусо.

Според истражувањата на здружението „Assoutenti“, цените се зголемиле за најмалку 40 отсто во споредба со 2021 година, а поскапувањата биле забележани на сите дестинации, од Алпи и Доломити на север до централниот регион Абруцо.

Астрономски скокови на цените

Дневен „ски пас“ на Доломити којшто овозможува пристап во сите 12 ресорти на скапите Доломити, сезонава ќе чини 86 евра. Во Рокарас, популарниот ресорт во Абруцо на Апенините каде се забележува голем метеж по промоцијата по пат на ТикТок, цената за „ски пас“ веројатно ќе достигне до 60 евра.

Цената на сезонски „ски пас“ е уште подрастична и се движи од 755 евра по лице во Рокарас, до 1.800 евра во долни Аост. Освен „ски пас“, се зголемиле и цените за изнајмување опрема за скијање, хотелско сместување и услуги во рестораните.

Висока побарувачка и критики на операторите

Иако скијачките оператори за раст на цени ги обвинуваат поскапените енергенти, Мелусо смета дека зголемените трошоци го одржуваат ресортот во висока побарувачка за квалитетна опрема, а тоа е „апсолутно неоправдано и неприфатливо“ особено затоа што инфлацијата во Италија е под контрола, а тарифите на енергентите се вратиле во нормала.

Мелусо додал дека цените сега се толку високи што граѓаните би морале да се откажат од своите традиционални зимски одмори.

Во текот на сезоната 2024/25 во планинскиот туризам забележан е впечатлив пад затоа што има милион помалку Италијанци кои не би оделе на скијање заради зголемените цени.

Без оглед на сето тоа, Италија и натаму е најевтина скијачка дестинација во западна Европа, во споредба со Швајцарија, Франција и Австрија.