Неговиот совет не е во брзите диети туку во разбирање на сопственото тело и учење како да се храниме на здрав начин.

Нема брзи диети – само учење за исхраната

„Нема брзи диети, нема брзи решенија туку обука како да се храните“, истакнал д-р Чубрило.

Тој објаснува дека телото по 30-тата година влегува во т.н. зона на стареење, тогаш доаѓа до пад на нивото на хормони, намалување на количините ензими и побавен метаболизам.

„Со годините мора да сфатиме дека некои работи треба да ги смениме. Да, ќе се случи да изедеме нешто што не е добро за нас или да претераме во количината и тоа е целосно нормално. Но, важно е да го знаеме својот пат и секогаш да се вратиме на вистинскиот пат, како кога возиме – кога ќе скршнеме од патот на калдрма, брзо ќе се вратиме назад“.

Анализа во 20-тите и 30-тите – клуч за следење на здравјето

Докторот советува дека секое лице на околу 20 години од животот треба да прави основни анализи – параметри на органите, хормоните и крвна слика и дека резултатите треба да ги зачува.

„Тогаш секако никој не размислува за здравјето затоа што младоста не познава граници. Но, ако во 30-тите повторно треба да го направите тоа и да го споредите со она од пред 10 години ќе ја воочите разликата. Тогаш точно ќе знаете каде сте, што се сменило и што треба да поправиме“, објаснува докторот.

Зошто млекото не се препорачува по 30-тата година

Една од најважните препораки на д-р Чубрило се однесува на млекото и млечните производи.

„Сите луѓе над 30 години не треба да пијат млеко. Тоа е нешто што е многу тешко за нашиот организам. Млечните производи се тешки за варење и телото потешко ги поднесува со текот на годините“.

Како што истакнува докторот од тие години телото ни дава сигнали дека нешто повеќе не можеме како некогаш.

„Здравјето не се само параметрите за анализа туку и колку зрачиме однатре. Онолку колку што сме здрави толку се гледа и однадвор“, вели докторот.

Исхрана после 30-тата година – помалку храна, подобра комбинација на намирници

Кога станува збор за исхраната, д-р Чубрило нагласува дека потребно е да обрнеме внимание на количината храна која ја внесуваме и на начинот на комбинирање на намирниците.

„Мора да знаеме со што да ги комбинираме намирниците и што можеме да јадеме. Некој не може да вари протеини, риба, месо... А, денес многу познати жени велат: Јас секој ден јадам риба, месо, салати. Но, доколку немаме ензим за варење на тие намирници сето тоа е залудно“, вели докторот.