Станува збор за драма во режија на Тим Миелантс, според сценарио на Макс Портер, автор на истоимената новела „Шај“ од 2023 година, по која е и базиран филмот.

Сè се одвива во поправен дом

Филмот е сместен во средината на 90-тите и го следи денот на управникот Стив и неговите ученици во поправен дом – место што им нуди последна шанса за нов почеток.

Додека Стив се обидува да го спаси училиштето од затворање и да го зачува интегритетот, истовремено се соочува со лични проблеми и кревко ментално здравје.

Паралелно се одвива и приказната за Шај, проблематичен тинејџер кој е раздвоен помеѓу минатото и неизвесната иднина. Тој се обидува да ја помири внатрешната ранливост со поривите за самоуништување и насилство.

По премиерата, „Стив“ доби претежно позитивни критики. На сајтот „Rotten Tomatoes“ во моментов има рејтинг од 78 отсто.

Во заедничкиот критички осврт се наведува:

„Сериозна драма што пред својот упорен јунак поставува низа предизвици. Иако количината на кризи понекогаш ја нарушува веродостојноста на приказната, извонредната актерска изведба на Килијан Марфи ја држи цврсто втемелена во реалноста.“

Еден критичар дополнува:

„Стив“ прикажува што се случува кога некој ќе пропадне низ пукнатините на системот. Тоа е промислено истражување на менталното здравје, што благодарение на силната актерска екипа води до моќен и трогателен крај“.