Актерот Џо Манганиело (48) ја потврди својата свршувачка со Кејтлин О’Конор (36), пренесува „Daily Mail“. Иако веста беше објавена неодамна, Манганиело откри дека двајцата всушност се верени веќе некое време.
„24 јуни 2025 година“, напиша актерот на социјалните мрежи, придружувајќи го датумот со два емотикони во форма на прстен — што значи дека ја побарал за сопруга пред речиси четири месеци.
Веста за свршувачката се појави откако Манганиело ја претставил Кејтлин на своите пријатели на филмскиот фестивал во Сан Диего, каде што ја прифати наградата за истакната кариера.
Парот првпат беше поврзан во септември 2023 година, само неколку месеци откако стана јавно познато дека неговиот брак со актерката Софија Вергара се распаѓа.
Манганиело и Вергара се венчаа во 2015 година — во време кога таа беше на врвот од својата популарност благодарение на серијата „Modern Family“. Тие официјално ја објавија разделбата во летото 2023 година, а само два месеци подоцна, Манганиело започна врска со О’Конор, која е 12 години помлада од него.
Претходно оваа година, Вергара откри дека причина за разделбата била разликата во желбите – тој сакал деца, а таа не сакала да биде „стара мајка“.
Сепак, Манганиело подоцна ги негираше тие тврдења:
„Се обидувавме да создадеме семејство во првата година и половина од нашиот брак. Се заколнав дека нема да ја оставам ако не успее – и не ја оставив. Едноставно се оддалечивме еден од друг“, изјави актерот.
Со оглед на тоа што Џо отсекогаш сакал деца, извор близок до парот вели дека основањето семејство е нивен приоритет, но тие исто така сакаат да се венчаат што е можно поскоро бидејќи се луди еден за друг.
