Доналд и Меланија Трамп пристигнале во Лондон држејќи се за раце, но само неколку часа подоцна испливал детаљ којшто повторно ги подгреал шпекулациите за нивниот приватен живот.
Имено, барањето на претседателот на САД и првата дама да бидат сместени во одвоени апартмани во дворецот Виндзор открило дека во нивниот брак не е сѐ како што треба.
Ова е втора државна посета на Трампови на Обединетото Кралство. За разлика од претходната, кога средиштето на собир била Бакингемската палата, сега сѐ е насочено во величествениот дворец Виндзор.
Таму ги дочекале принцот и принцезата од Велс, Вилијам и Кејт Мидлтон, после што им се придружиле и кралот Чарлс Трети и кралицата Камила во свечена поворка со кочија.
Церемонијата била смислена во полн сјај на државниот протокол, почесна гарда, воена парада и спектакуларно прелетување на британски и американски воен авион. Сепак, додека јавноста уживала во раскошот, во позадина се одвивала една многу интимна приказна.
Според извори блиски до палатата, Доналд и Меланија не сакале да делат иста соба, иако на располагање имале низа раскошни кралски апартмани.
Наводно, одлуката е исклучително нивна, сакаат приватност и мир, а од Америка си донеле и сопствена постелнина.
Експертите за кралските обичаи објаснуваат дека парот без проблем може да престојува во иста соба, но дека Трамп често останува буден до доцна ноќта поради деловни обврски, додека пак Меланија преферира мирен одмор.
Сепак, овој потег не е првпат да го иницира необичниот однос на сопружниците. И додека во јавноста често се појавуваат заедно, делуваат хармонично, инсајдери тврдат дека нивниот брак се основа на своевидни „договори“. Доналд деловно е доминантен, додека пак Меланија инсистира на свој простор и независност.
Нивната дистанца, но и строги правила кои ги поставуваат еден со друг, често ја интригира јавноста ширум светот.
Факт е дека Меланија упорно ја чува приватноста и ретко открива детали од секојдневниот живот со Доналд, па затоа делуваат толку мистериозно.
Многумина сметаат дека токму таа ладна елеганција, но и повлеченост е она што ја прави посебна Меланија, а нивниот брак без оглед на шпекулациите, опстојува повеќе од две децении.
