Содржи соединенија кои се борат против канцер и имаат моќ да ги контролираат воспаленијата и да го намалат ризикот од срцеви проблеми.
Пребарувајќи ги кулинарските канали на социјалните мрежи, ќе наидете на безброј видеа од готвачи од целиот свет кои ја фалат зелката како исклучително сестран зеленчук.
Затоа, при следното пазарување, размислете за тоа да ја додадете во вашата кошничка.
Освен што е во тренд, зелката е многу нутритивно богата. Содржи растителни влакна, половина од дневната потреба за витамин К, третина од потребата за витамин Ц и десет отсто од дневната потреба за фолати.
Овој зеленчук содржи и траги од манган, витамин Б6, калциум, калиум, витамин А, железо и рибофлавини.
Зелката припаѓа во истото семејство на брокулата, карфиолот, кељот и зелената салата. Сите тие содржат соединенија кои се борат против канцер и имаат моќ да ги контролираат воспаленијата и да го намалат ризикот од срцеви болести.
Зелката може да варира во бојата од зелена до црвена и виолетова, а листовите можат да бидат кревки или крути.
