Ларса Пипен, поранешната сопруга на НБА легендата Скоти Пипен, повторно е во фокусот на медиумите поради нова врска со поранешниот кошаркар Џеф Коби.
Џеф е 19 години помлад од Ларса и во текот на својата спортска кариера играше за Хувентуд, Остин Спарс, како и за клубови во Луксембург и Јапонија. Денес се занимава со претприемништво.
Извори блиски до Ларса тврдат дека нејзината врска со Џеф е подлабока и поискрена отколку претходните, вклучувајќи ја и онаа со Маркус Џордан, синот на Мајкл Џордан. Иако се заедно само неколку месеци, среќата која ја споделуваат, според нивните пријатели, е очигледна.
Ситуацијата стана уште поинтересна кога Коби, во лежерен разговор со група папараци пред луксузен ресторан во Мајами, спомена дека тој и Ларса ќе се венчаат во ноември.
Изјавата предизвика изненадување, но начинот на кој беше кажана остави простор за сомнеж дали Коби зборувал сериозно или се шегувал, со оглед на неговиот разигран тон.
Ларса не ги коментираше плановите за брак, оставајќи ги медиумите и обожавателите да шпекулираат за сериозноста на најавата. Таа и Маркус Џордан ја прекинаа својата врска една година пред таа да започне нова љубовна приказна со Џеф Коби.
