Додека на неодамнешното Европското првенство во борење во Братислава, Валиев освоил златен медал во категоријата до 74 килограми во слободен стил.

Тој во финалето го победил актуелниот светски шампион Заурбек Сидаков со 4:2, што беше прва негова победа над Сидаков во пет меѓусебни средби. Сидаков исто така е од Северна Осетија и настапува за Русија. Меѓутоа главната приказна од ова ЕП е доделувањето на медалите, односно инцидентот кој го предизвикал Михаил Мамиашвили, претседателот на Руската боречка федерација.

Русинот агресивно му го ставил медалот околу вратот на албанскиот првак

Медалот го врачил агресивно, така што го „набил“ околу вратот на борачот кој ја претставува Албанија и притоа му кажал нешто. После тоа, тој му ја стегнал рака и се насмеал, но Валиев очигледно бил огорчен на Мамиашвили, му ја оттргнал раката и налутено го гледал.

По церемонијата, Албанскиот олимписки комитет соопштил: „Остро го осудуваме овој гест и ќе ги информираме сите светски олимписки организации за навредите и злоупотребата на спортистите за време на оваа важна спортска церемонија“. Исто така албанските медиуми додаваат дека Мамиашвили го навредил Валиев и го нарекол предавник.