Цвеклото се смета за една од најздравите намирници. Неговото конзумирање помага при регулирање на процесите на хематопоеза и метаболизам во организмот. Има диуретично дејство, го намалува крвниот притисок, помага при опстипација и има бројни други здравствени бенефити.

Поради својот низок калоричен состав, цвеклото е препорачливо за луѓето кои се борат со дебелината. За здрав возрасен човек се препорачува да се консумираат 50-200 g цвекло дневно. Во отсуство на контраиндикации, може да се јаде до 300 g дневно, особено за спортисти или луѓе со активен животен стил.

За кои болести е корисно цвеклото?

1. Хипертензија — Бетаин од цвеклото го намалува крвниот притисок.

2. Запек — Влакната од цвеклото ја подобруваат цревната перисталтика.

3. Анемија — Високата содржина на железо го поттикнува производството на крв.

4. Заболување на црниот дроб — Цвеклото помага во отстранување на токсините од организмот.

5. Дебелина и дијабетес — Ниската калоричност помага при контрола на телесната тежина, но поради висок гликемиски индекс, готвеното цвекло треба да се консумира умерено.

6. Атеросклероза — Цвеклото ги чисти крвните садови и го намалува нивото на „лошиот“ холестерол.

За кои болести се не се препорачува да се јаде цвекло?

1. Гастритис со висока киселост, чир на желудникот — Цвеклото го стимулира производството на гастричен сок, што може да ги влоши овие состојби.

2. Уролитијаза (оксалати) — Може да придонесе за формирање на камења во бубрезите.

3. Дијареа и синдром на нервозно дебело црево — Може да ги зголеми симптомите и да предизвика дисбаланс во дигестијата.

4. Дијабетес (особено тип II) — Готвеното цвекло има висок гликемиски индекс, што може да го зголеми нивото на шеќер во крвта.

5. Хипотензија — Цвеклото може да предизвика прекумерно намалување на крвниот притисок.

Затоа, иако цвеклото има бројни здравствени придобивки, важно е да се консултирате со лекар пред да го вклучите во исхраната, особено ако имате некои од овие здравствени проблеми.