Илон Маск повторно сподели интервју од 2016 година во кое Морган Фримен рече дека поседува акции на "Tesla". Акцијата на "Tesla" купена за време на интервјуто би вредела приближно 30 пати повеќе денес.
Портпаролот на Фримен одби да даде детали за неговите инвестиции во акциите.
Минатата недела, Илон Маск повторно го нагласи интервјуто од септември 2016 година, во кое Морган Фримен за "CNBC" изјави дека поседува акции на "Tesla" – што, доколку ги чува, e исклучително профитабилна инвестиција за актерот.
„Имам акции на "Tesla"“, рече Фримен во разговор со Карл Кинтанила. „Јас сум голем обожавател на Илон Маск и мислам дека тој има неверојатно напредни идеи за тоа каде технологијата може да не одведе“.
„Она што го направи, никој друг никогаш не го направил“, продолжи Фримен. „Тој ја приземји ракетата за да може повторно да се користи – знаете ли каков подвиг е тоа?
Сега ќе летаме на Марс, ќе им доставуваме работи на луѓето кои ќе се населат таму, исто како што се населиле на Дивиот Запад, и ќе ги враќаме тие ракети, ќе ги полниме со гориво и ќе ги користиме повторно“, рече Фримен, мислејќи на визијата на Маск за неговата компанија за истражување на вселената.
Маск го сподели истото видео во април со натпис: „Морган Фримен е неверојатен". Актерот познат по улогите во „The Shawshank Redemption“ и „Million Dollar Baby“, не прецизираше колку акции поседува или колку платил за нив.
„Господинот Фримен има политика да не разговара јавно за неговите лични инвестиции“, одговори неговиот портпарол преку мејл до "Business Insider", кои бараа повеќе детали за неговите инвестиции.
Цената на акциите на "Tesla" беше околу 13,50 долари на поделена основа приспособена на денот на емитувањето на интервјуто. Во петокот се тргуваше за околу 415 долари, што претставува речиси 31-кратно зголемување за нешто повеќе од осум години. На пример, инвестиција од 10.000 $ во моментот на интервјуто би била вредна околу 307.000 американски долари денес, што претставува принос од приближно 3.000%.
"Tesla" значително порасна во тој период. Нејзината пазарна капитализација скокна од околу 30 милијарди долари на 1,3 трилиони долари, со што "Tesla" стана една од највредните компании во светот.
Приходите на "Tesla" пораснаа од 7 милијарди долари во 2016 година на 97 милијарди долари во 2023 година, додека компанијата ја претвори оперативната загуба од над 600 милиони долари во оперативен профит од речиси 9 милијарди долари.
