Нивниот евтино развиен чет-бот со вештачка интелигенција го сруши "ChatGPT" и предизвика хаос на американските финансиски пазари, но "DeepSeek" сега има уште еден адут во трката со американските технолошки гиганти.
"DeepSeek", растечкиот кинески стартап за вештачка интелигенција што направи паника низ американската технолошка индустрија и создаде вистинска возбуда на финансиските пазари, сега го лансираше "Janus-Pro", модел за генерирање слики со вештачка интелигенција дизајниран да се натпреварува со "DALL-E 3" и "Stable Diffusion". "Janus-Pro" генерира слики од текст и наводно ги надминува американските конкуренти по квалитет и точност, пишува "Cne"t.
Доаѓањето на генератор на слика со вештачка интелигенција на "DeepSeek" доаѓа веднаш по успехот на нивниот модел "R1", кој го привлече вниманието со брзите, логични одговори и пониските трошоци за обука. За разлика од американските модели, "R1" работи на помалку напредни "Nvidia" чипови, што ги поттикна дискусиите за развојот на вештачката интелигенција во Кина во услови на ограничен пристап до американската технологија. Апликацијата "DeepSeek" неодамна го надмина "ChatGPT" по бројот на преземања на "App Store" на "Apple" во САД.
Брзиот напредок на Кина во вештачката интелигенција доаѓа додека глобалната конкуренција се интензивира. Минатата недела американскиот претседател Доналд Трамп објави нова иницијатива за инфраструктура за вештачка интелигенција во соработка со "OpenAI" и други компании. Во меѓувреме, кинеските технолошки компании се соочуваат со зголемена контрола, особено поради загриженоста за нарушување на приватноста на податоците поврзани со "TikTok".
"Janus-Pro" е достапен за преземање на веб-страницата "Hugging Face".
"Janus-Pro" го надминува претходниот унифициран модел и одговара или ги надминува перформансите на моделите специфични за задачите. Едноставноста, високата флексибилност и ефикасноста на "Janus-Pro" го прават силен кандидат за следната генерација на унифицирани мултимодални модели, истакнува "DeepSeek".
Со големини на модели кои се движат од една милијарда до 7 милијарди параметри, "DeepSeek" го опишува "Janus-Pro" како нова авторегресивна рамка која ја зголемува флексибилноста со одвојување на процесите за анализа на слики и генерирање.
