Поранешниот 45-ти американски претседател и претстојниот 47-ми лидер на САД, Доналд Трамп, организираше божиќна прослава на својот имот Мар-а-Лаго во Флорида, каде што за музиката беше задолжен лично тој.
Забавата, на која присуствуваше и неговата сопруга Меланија Трамп, привлече огромно внимание поради една фотографија што кружи на социјалните мрежи.
„Божиќ на имотот Мар-а-Лаго“, гласи описот на фотографијата што предизвика контроверзии. На неа се гледаат неколку жени во блескави и провокативни фустани, кои, според критичарите, воопшто не се во духот на празникот. Реакциите на мрежата Х (поранешен Твитер) беа жестоки, а некои од коментарите гласеа:
„Изненаден сум што Доналд Трамп сѐ уште не отворил ‘Клиника за убавина Трамп’ за пластична хирургија.“
„Совршено време и место за да се прослави светиот ден, нели?“
Покрај критиките за изборот на облека на присутните жени, на некои не им се допадна и самата атмосфера на фотографијата, која ја опишаа како „слика од бордел“. Некои забележаа и дека гостинките се „престари“ за Трамп и неговиот близок соработник, Илон Маск.
Илон Маск, кој според некои извештаи ќе раководи со новото „Министерство за ефикасност на владата“ откако Трамп повторно ќе ја преземе функцијата претседател, исто така се најде на удар на критиките.
Доналд Трамп, кој се очекува по вторпат да биде инаугуриран на 20 јануари следната година, со оваа прослава привлече уште повеќе внимание во јавноста, но и поттикна нови контроверзии.
Фотографијата и реакциите што ги предизвика ја отсликуваат поделбата во американското општество, каде што секој потег на поранешниот претседател е повод за бурни дебати.
