Соопштението ви го пренесуваме во целост:

Имено, се работи за скандалозен случај со верски екстремизам, односно за оџата Ахмет Калаја, исламски свештеник, на кој во април 2023 година му бил забранет влез во Република Македонија поради безбедносни причини. Но, минатиот период, овој верски екстремист одржал проповед и говор во Албанскиот театар во Скопје. Проповедта се случила пред поголема група луѓе, на настан организиран од издавачката куќа Нур, кој ја претставува оџата Беким Халими (поврзуван со Ал Каеда). На настанот присуствувале и малолетни деца, што дополнително ја засилува загриженоста за безбедносните ризици.

[Извор: Инстаграм @ahmedkalaja]

Прашањето што се поставува е како е возможно ова лице, кое претходно било сметано за опасност, да влезе во земјата и да одржи јавен настап, без да биде спречено од АНБ. Овој инцидент поставува сериозни прашања за капацитетот на АНБ да се справи со ризиците и да ја заштити безбедноста на државата.

[Бојан Христовски - АНБ / Извор: 360 степени]

Левица бара одговор од новиот директор на АНБ - Бојан Христовски за овој сериозен безбедносен пропуст кој државата ја изложува на верски радикализам. Во време кога безбедноста на земјата треба да биде на прво место, вакви инциденти само ја нарушуваат довербата во безбедносните институции и поставуваат сериозни прашања за нивната способност да се справат со актуелните закани.

[Извор: Инстаграм @ahmedkalaja]

Да се потсетиме...

Ахмед Калаја ја објаснува забраната за влез во Македонија: Пет години по ред ме запира полиција

Соопштение за Телеграфи од пред две години

Имамот од Албанија, Ахмед Калаја, бил приведен на граничниот премин на Ќафасан, не дозволувајќи му да влезе во Македонија. Бил поканет да учествува во една од Таравих ноќите во месецот Рамазан во џамијата во скопското село Бојане, како гостин кај старецот Зекирија Бајрами од истото село.

Вчера Калаја ги објави документите во кои се прикажани причините за неговиот притвор, каде, меѓу другото, пишува дека претставува ризик за безбедноста на државата Северна Македонија. Тој во видео обраќање објавено на "Youtube" ја објаснил целата случка, како се случила.

„Првиот пат кога мојот син студент се ожени, чекав 6 часа на границата со Северна Македонија. Пет години по ред ме запира полицијата. Пред еден месец требаше да одржам предавање и имав информација дека сите забраните се укинати и моето име е отстрането од списоците, но кога отидов дента ми го дадоа тоа неславно и дискриминаторски писмо“, рече Ахмед Калаја.

Тој вели дека многу Хоџалари имаат проблеми да влезат во Северна Македонија, чекајќи со часови.

„Оваа држава не е чесна со Албанците дека ќе им понуди еднаквост. Писмото што ми го дадоа е на англиски и на македонски јазик. Албанските полицајци беа вознемирени, им го видов тоа во лицата“, рече Ахмед Калаја.

Помеѓу другото, тој се извини на џемаатот во селската џамија Бојане кои го чекаа неговото пристигнување.