Пред објавувањето на серијата, Изабел се огласи на социјалните мрежи и ја најави истата.

„Ви ја претставувам Изабел Налет“, напишала таа во описот.

Иако гледачите ја фалат нејзината изведба во серијата, многумина го воочиле и нејзиниот чуден изглед. Тие се прашуваат што се случило со нејзиното лице.

Беше прогласена за најубава актерка на светот

На убавината на Изабел многумина ѝ се восхитуваат откако се појави на малите екрани во седумдесетите. Таа ја понесе титулата на една од најубавите жени во светот. Пред повеќе од 15 години, „LA Times“ ја прогласи за најубава актерка на сите времиња.

Аџани сè уште е честа гостинка на црвените килими, а луѓето веќе некое време коментираат дека ја нарушила убавината со пластични операции и ботокс.

Обвинета за перење пари и затајување данок

На крајот на минатата година, актерката беше прогласена за виновна за затајување данок и перење пари. Покрај условната казна од две години, судот ѝ одреди и парична казна од 250.000 евра.

Аџани беше осудена бидејќи во 2016 и 2017 година лажно изјавила дека нејзиното примарно живеалиште е во Португалија за да избегне плаќање данок во Франција од 236.000 евра. Таа, исто така, прикрила донација од 2 милиони евра од сенегалскиот бизнисмен Мамаду Диагна Ндиаје што ѝ овозможило затајување на 1,2 милиони евра данок на трансфери.

Исто така, таа незаконски префрлила 120.000 евра од странска сметка на друга непријавена сметка во САД. Овие пари подоцна биле префрлени на нејзината сметка во Португалија.