Пронајдено заканувачко писмо во канцеларијата на претседателката Сиљановска-Давкова, приведен 46-годишен маж

Макфакс

22/11/2026

17:11

447

Големина на фонт

а а а

Во канцеларијата на претседателката Гордана Сиљановска-Давкова е пронајдено заканувачко писмо, по што е приведен 46-годишен маж лоциран преку видео-надзор. Министерството за внатрешни работи потврди дека се преземаат мерки.

Писмо со заканувачка содржина било пронајдено во канцеларијата на претседателката на државата, Гордана Сиљановска-Давкова, на улицата „Димитрија Чуповски“ во центарот на Скопје.
Според информациите на дел од медиумите, писмото било пронајдено од вработените во канцеларијата на 18 ноември, по што случајот бил пријавен во полиција во 9:50 часот.

Содржината на писмото засега не се открива, ниту е познато кому конкретно биле упатени заканите.

Во врска со случајот, од слобода е лишен 46-годишен маж со иницијали В.К., кој бил пронајден набргу по настанот, а лоциран преку видео-надзорот.

Потврда за настанот дадоа и од Министерството за внатрешни работи.

По целосното документирање на случајот, против приведениот се очекува да биде поднесена соодветна кривична пријава. Од МВР не прецизираат за кое кривично дело ќе се гони лицето.