[ВИДЕО] Коментаторот врескаше по магичниот гол на Меси, ова ремек-дело мора да го видите

Интер Мајами на гостински терен беше поразен со 2:1, но секако најголемо внимание привлече голот на Меси за 1:1 во 33. минута.

Прекршокот беше направен на десното крило, во близина на корнер-знаменцето, а сите очекуваа Меси да нафрли.

Аргентинецот ја испрати топката кон подалечната статива, совршено го префрли голманот и ја затресе мрежата.

Останува прашањето дали навистина имаше намера да шутира или имаше и многу среќа, но без оглед на тоа, ова е негов 76. гол во кариерата директно од слободен удар.

Подобар од него во оваа категорија е само Марселињо Кариока со 78 гола, иако популарниот Лео веројатно ќе го престигне и него, можеби уште оваа сезона.

Интересна беше и реакцијата на коментаторот, кој врескаше кога виде што изведе Меси. Слушнете и самите.

Инаку, головите за Колумбус ги постигнаа Џозеф Мартинез во 28. минута од пенал и Џамал Тиаре во длабокото судиско продолжение на второто полувреме.

За поразот на Интер да биде уште поболен се погрижи Сантијаго Моралес, кој во судиското продолжение доби два жолти, односно црвен картон.

Тимот од Мајами сега е трет на Истокот со 46 бодови, додека Колумбус се наоѓа на 12. позиција (од 15 екипи) со 29 бодови.