Во центарот на Њујорк на Тајмс Сквер избувна тепачка проследена со пукање, при што 26-годишен маж е повреден со посекотина кај вратот, а 17-годишен тинејџер е уапсен. Полицијата продолжува со истрага и потрага по други лица поврзани со инцидентот.
Пукање на Тајмс Сквер во четврток попладне по локално време предизвика паника и ги натера стотици туристи и жители на Њујорк да избегаат. Полициската управа на Њујорк (NYPD) соопшти дека по инцидентот е уапсен 17-годишен тинејџер, објави CBS News.
Тепачка проследена со пукање
Според полицискиот извештај, сè започнало околу 15:30 часот на Бродвеј со голема група луѓе кои се тепале. За време на тепачката, на 26-годишен маж бил исечен кај вратот. Кратко потоа, 17-годишен осомничен отворил оган врз истата група луѓе. Тој е приведен, но сè уште не се поднесени обвиненија против него.
EarthCam's Times Square cameras captured today's shooting incident and the immediate crowd response in the heart of New York City. pic.twitter.com/2ycU02zhZT
— EarthCam (@EarthCam) June 18, 2026
Второ пукање се случило кратко потоа во близина. Никој не е повреден во ниту едно од пукањата. Човекот со посекотина е однесен во болница, е во стабилна состојба и се очекува целосно да се опорави.
A 17-year-old firing shots into the middle of a crowded Times Square6hellip;also one of the largest 2un Free Zones2 in the nation. Police recovered a weapon and took the teen into custody. pic.twitter.com/zcfVdppoF1
— Guns&Gadgets (@Guns_Gadgets) June 19, 2026
Полициска истрага на местото на настанот
Десетици полицајци пристигнале на местото на настанот. Истражителите прегледувале сино „хјундаи“ откако сопственикот на автомобилот пријавил дека нешто го погодило неговото возило за време на хаосот. Полицијата потврди дека на местото на настанот е пронајдено и оружје. Во тек е потрага по неколку други лица поврзани со инцидентот.
