Легендарниот американски актер Џон Траволта на Канскиот филмски фестивал беше награден со Златна палма за режисерското деби „Propeller One-Way Night Coach“. Неговиот изглед го привлече вниманието на присутните.
Актерот сега има позатегнато лице и потемна брада. Изгледот го надополнил со беретка и очила. Директорот на Канскиот филмски фестивал, Тиери Фремо, му ја врачи споменатата награда.
„Рековте дека ова ќе биде посебна вечер, но не мислев дека навистина мислевте на ова. Ова е момент на понизност. Ова е повеќе од Оскар“, рече тој.
Споменатиот филм е заснован на истоимената книга на Траволта и ги следи младиот вљубеник во авијацијата Џеф и неговата мајка додека се качуваат за Холивуд.
„Кога Џон нѝ дојде есента, беше многу скромен и срамежлив со идејата да го прикаже филмот во рамките на официјалната селекција“, рече Фремо. Тој го нарече Џон Траволта еден од најголемите уметници на 20-от и 21-от век.
Актерот беше преплавен од емоции откако му беше врачена оваа награда. Од срце им се заблагодари на организаторите и им упати бакнеж на присутните. Во публиката беше и Алберт II од Монако.
Во актерската екипа се Кели Б. Евистон, К. Ендру Гарисон, Олга Хофман, Мајлс Мекмахон, Кларк Шотвел и други.
