Веројатно и вие правите вака: будење, брзање, кафе на празен стомак и трчање на работа. Меѓутоа, ако ги стекнете овие 3 навики и ги правите веднаш штом ќе се разбудите, никогаш нема да имате проблеми со варењето, енергијата и будењето.

Секое утро е момент кога можеме најмногу да му дадеме на своето тело. Начинот на кој го поминуваме првиот половина час по будењето во голема мера одредува како ќе функционираат нашето варење, нивото на енергија и расположението до крајот на денот.

Повеќето совети што ги слушаме се повторуваат одново и одново: чаша вода, здрав појадок, малку истегнување. Тоа се одлични навики. А ако сакате нешто поинакво и помалку познато, постојат неколку неочекувани ритуали кои можат да направат голема разлика.

Ако ги воведете во својата дневна рутина веднаш штом ќе се разбудите, за само 30 дена би можеле да забележите нормално варење, повеќе енергија наутро и намалена потреба за кофеин.

Абдоминално дишење веднаш по будењето

Повеќето од нас дишат плитко, користејќи го само горниот дел од белите дробови. Но, варењето и целото тело имаат многу повеќе корист од дијафрагмалното дишење, познато и како дишење со стомак. Кога ќе седнете во кревет наутро, ставете ја раката на стомакот и полека вдишете низ нос така што стомакот благо ќе се подигне. Потоа издишете низ уста, побавно отколку што сте вдишале.

Само пет минути вакво дишење може да го намали нивото на стрес, да го смири срцето и да ги „разбуди“ цревата.

Кратка масажа на стомакот

Масажата на стомакот е многу едноставен и ефикасен начин за стимулирање на варењето. Нежно поминувајте со дланката или врвовите на прстите по стомакот во насока на стрелките на часовникот. Две до три минути лесен притисок се доволни да ја стимулираат перисталтиката, природните брановидни движења на цревата.

Оваа практика може да им помогне на луѓето кои се борат со надуеност или чувство на тежина наутро, а редовната употреба често доведува до полесно и поредовно празнење на цревата.

Изложување на утринско сонце

Варењето не е само механички процес, туку е поврзано со нашиот внатрешен часовник, нашиот циркадијален ритам. Овој часовник го регулира времето кога се лачат дигестивните ензими. Тогаш хранливите материи подобро се апсорбираат и кога телото има најмногу енергија.

Изложувањето на природна светлина наутро е најдобриот начин да се „ресетира“ овој часовник. Ако живеете во стан, сè што треба да направите е да отворите прозорец или балкон и да поминете околу десет минути на светлина.