Стратосферскиот поларен вител влегува во својата завршна сезонска фаза, минувајќи низ настан на завршно загревање што го означува крајот на неговата зимска доминација.
Но, додека циркулацијата на големи височини се распаѓа, се ослободува јадрото на поларниот вител на пониските нивоа, носејќи уште еден бран временски влијанија низ Северна Америка и Европа во април.
Најновата анализа потврдува дека преостанатото јадро на поларниот вител и натаму е активно во пониските слоеви на атмосферата, со центар над Северна Америка и источна Канада. Се очекува тоа да донесе одредени временски влијанија низ Соединетите Американски Држави, со доцносезонски снежни врнежи и температури под просекот. Во првата недела од април се издвојува подрачје со низок воздушен притисок над источна Канада и северниот Атлантик. Оваа зона на низок притисок е дел од преостанатото јадро на долниот стратосферски поларен вител.
Тоа, исто така, укажува на потенцијален период на постудено струење на воздухот над северниот и источниот дел од Соединетите Држави, бидејќи јадрото на поларниот вител повлекува посеверен воздушен тек. Истовремено, потопол западен тек навлегува во Европа, пишува „Severe Weather Europe“.
Во првата недела во Европа се очекуваат нормални до натпросечни температури благодарение на западното и јужното струење. Прогнозата покажува прилично вообичаен почеток на месецот кога станува збор за температурите. Повеќе врнежи се очекуваат на југоистокот, под зона на низок притисок и на северозападот.
Со влегувањето во средината на април, прогнозата за притисокот го покажува трајното јадро на поларниот вител со низок притисок над северна Канада и зона на висок притисок над далечниот север на Европа и над поларните региони. Тоа продолжува да поддржува струење од северозападен правец над северот на Соединетите Држави. Проширувањето на нискиот притисок може да донесе и пониски температури во Европа. Над северот на Соединетите Држави, овој образец обично носи сценарио на студен фронт, со температури под просекот над северните држави. Над Европа, образецот на поделен тек може да донесе низа температури под просекот.
Во средината на месецот студениот бран ќе продолжи. Нискиот притисок над Канада повлекува студен воздух кон југ, што ќе донесе снежни врнежи на Средниот Запад, Горниот Среден Запад и источните делови на САД. Дури во втората половина на април температурите постепено ќе се нормализираат, но ќе се задржи постуден тренд во североисточните држави, Горниот Среден Запад и делови од Канада.
Во втората недела од април, Европа повторно ја очекуваат пониски температури, поттикнати од комбинација на системи со низок притисок и правилно поставено подрачје на висок притисок над северот. Во средината на април прогнозите покажуваат постуден бран, со температури од 5 до 10°C под просекот во поголем дел од континентот. Причината е поделениот атмосферски тек и нискиот притисок над северните делови на Европа. Врнежите ќе бидат над просекот во централна и западна Европа, додека северот ќе биде посув. Во втората половина на месецот потопол воздух ќе се врати на северот од континентот, додека јужниот, централниот и западниот дел од Европа ќе останат малку постудени од просекот.
