[ФОТО] Кевин Костнер „уловен“ во интимен разговор со 42-години помладата манекенка: Уживале на вечера во Лас Вегас

Двајцата биле фотографирани додека разговарале на вечера за специјални гости, на која присуствувале и други познати личности. На фотографиите се гледа Костнер, облечен во црно одело, и Надер во елегантен гламурозен фустан, како седат еден до друг и водат пријателски разговор.

По вечерата, биле забележани и во просториите на клубот, каде што играле рулет, блекџек и покер. Иако не е познато како Костнер и Надер се запознале, сè укажува дека нивната средба била пријателска, иако веднаш се појавиле шпекулации за можна романтична блискост.

Надер не присуствувала сама на настанот, туку ѝ се приклучила нејзината помлада сестра Сара Џејн Надер. Ексклузивната забава на сопствениците на приватниот социјален клуб и ресторан „Sartiana“, според локалните медиуми, имала список на гости ограничен на само 20 учесници, а меѓу присутните биле и Гвинет Палтроу, Орландо Блум и Рајан Филип. Овој клуб порано бил само за членови со седиште во Њујорк, а во минатото го посетувале и Тејлор Свифт, Ким Кардашијан и поранешниот на Надер, Том Брејди.

Кевин Костнер претходно бил во врска со Кели Нунан Горс (46) во јануари оваа година, а пред тоа бил во брак со Кристин Баумгартнер, со која има три деца. Нивниот брак траеше од 2004 до 2023 година.

Брукс Надер претходно беше во врска со Брејди и со Глеб Савченко (42), познат од американската верзија на емисијата „Танц со ѕвездите“.