Противвоздушните и противракетните одбранбени сили на НАТО распоредени во Источниот Медитеран пресретнаа иранска балистичка ракета што леташе кон турскиот воздушен простор, објави турското Министерство за национална одбрана.
Ракетата беше испукана од Иран и помина низ ирачкиот и сирискиот воздушен простор пред да биде пресретната, пишува Türkiye Today.
Во соопштението за медиумите на министерството од 4 март се наведува дека балистичката ракета испукана од Иран била навремено пресретната и неутрализирана. Остатоците од пресретнувачката ракета паднале во округот Дортјол во покраината Хатај откако заканата била уништена во воздух.
The Turkish Ministry of Defence reports that Iran launched a ballistic missile towards Turkiye, which was intercepted over southeastern Turkiye.
— AMK Mapping 🇳🇿 (@AMK_Mapping_) March 4, 2026
The target was likely a NATO base in Greece. pic.twitter.com/vXl5Zf7R2j
Потврдено е дека остатоците припаѓаат на одбранбена ракета, а не на дојдовна ракета. Нема извештаи за жртви или повредени.
Според извештаите на „Шафак њуз“ и „Норт прес“ агенцијата, иранска балистичка ракета била пресретната над Камишли во североисточна Сирија, во близина на турската граница.
🔴📸 Turkiye - Ballistic munition fired from Iran toward Turkish airspace was intercepted and neutralized by NATO air and missile defense units in the Eastern Mediterranean
— Mete Sohtaoğlu (@metesohtaoglu) March 4, 2026
🔴📸 Iranian missile intercepted in Qamishli, Syria, near the Turkish border pic.twitter.com/ehzxm6PtEG
Министерството соопшти дека решителноста и способноста на Турција да ја обезбеди безбедноста на својата земја и граѓаните се на највисоко ниво.
„Ве потсетуваме дека го задржуваме правото да одговориме на секој непријателски чин против нашата земја“, се додава во соопштението, во кое се повикуваат сите страни да се воздржат од потези што дополнително би го прошириле конфликтот во регионот.
