Жалгирис вчера загуби во драматична завршница на гостувањето кај Реал Мадрид, а натпреварот беше одбележан со вонсерискиот настап на Силвен Франсиско.
Францускиот кошаркар постигна 33 поени, ги излудуваше домашните фанови и блескаше и во клучните моменти, во кои Реал успеа некако да избегне црно сценарио.
Франсиско не успеа да обезбеди триумф за литванскиот состав, а на 2,5 секунди до крајот мораше да го напушти теренот поради заработени пет лични грешки.
Она што може да се смета како победа за Французинот е овациите кои ги доби од фановите на Реал во арената во Мадрид, чест која ретко може да ја добијат гостинските играчи, а го покажува и нивото на кое шпанските фанови ја разбираат и почитуваат кошарката.
Sylvain Francisco acaba de hacer la quinta falta a 2,5 segundos del final, con 100-99 y tras anotar dos triples seguidos que redondean su PARTIDAZO. Y al sentarse se ha llevado el aplauso del Movistar Arena. Y no es para menos, por mucho que sea jugador del rival del Real Madrid. pic.twitter.com/lHJUAOxKWk
— Noelia Gómez Mira (@noeliagomezm) November 20, 2025
