Пет лица загинаа кога туристички автобус со повеќе од 50 патници се преврте на автопат во западен Њујорк, соопшти полицијата.
Автобусот, кој се враќал од Нијагарините водопади, се преврте на автопат во близина на Пембрук, околу 48 километри североисточно од Бафало и 64 километри југоисточно од Нијагарините водопади, објави „CBS News“.
Според полициското соопштение, возилото ја изгубило контролата од непознати причини и завршило во канал.
Во несреќата немало други возила вклучени. Меѓу загинатите немало деца.
#BREAKING : Tour Bus Crash on I-90 in New York Leaves Multiple Dead, Dozens Injured
— ViralVolt🟦 (@ViralVolT1) August 22, 2025
A tour bus overturned on I-90 West in Pembroke, New York, killing multiple people and injuring more than 50 others. #RoadAccident #NewYork #I90 #Pembroke #TourBus #KARMA #buscrash pic.twitter.com/wV8O3xLJfQ
Во автобусот имало вкупно 54 лица, вклучувајќи двајца вработени во автобуската компанија „M&Y Tour Inc“.
Причината за несреќата сè уште е под истрага, додека механички дефект и грешка на возачот се исклучени, според „CBS“.
Here’s a look at the crash on 90 E near Pembroke. Both sides of the Thruway backed up. At least two helicopters responding to the scene. @WBEN pic.twitter.com/xRgaC90yVO
— LMP (@lisapolizzibflo) August 22, 2025
Возачот на автобусот соработувал со властите и против него не се поднесени кривични пријави.
Медицинскиот центар на округот Ери примил 24 пациенти, вклучувајќи четворица во сериозна состојба, додека двајца пациенти биле префрлени со хеликоптер во други болници.
Шест лица се лекуваат во Медицинскиот центар на Универзитетот во Рочестер, од кои двајца се тешко повредени.
Гувернерката на Њујорк, Кети Хочул, изрази сочувство за несреќата и најави координација со локалните власти за операциите за помош и спасување.
