Еден сјаен чорап што го носел кралот на поп музиката, Мајкл Џексон за време на неговата француска турнеја во 1997 година, беше продаден на аукција во градот Ним за 6.200 евра, објавија организаторите.
Чорапот, украсен со кристали, првично беше проценет на 4.000 евра и имаше посебна вредност бидејќи Џексон го носел за време на спектакуларниот настап во Ница, на стадионот „Charles Ehrmann“, на 27 јуни 1997 година, за време на изведбата на песните „Beat It“ и „Billie Jean“, пренесува „Figaro“.
Michael Jackson’s old stained sock has sold for over $8,000 at an auction in France pic.twitter.com/bgNxhMZIN8
— Dexerto (@Dexerto) July 30, 2025
Овој предмет го пронашол тогашниот сценски техничар во близина на гардеробата по концертот. Тој го зачувал чорапот заедно со тогашната пропусница за бекстејџ и платниот список, кои послужиле како доказ за автентичност.
Претходниот обид за продажба на 21 јули не успеал поради, како што се наведува, слабата медиумска покриеност.
Новиот термин за аукцијата предизвика поголем интерес кај колекционерите, па чорапот беше продаден за повеќе од двојно од почетната цена, која изнесуваше 2.500 евра.
Шеширот што музичарот го носел за време на неговата прва изведба на танцот „moonwalk“ на телевизија во 1983 година, беше продаден минатата година во Париз за 77.640 евра.
