Кристина, туристка од Србија која била на одмор во Грција, преку социјалните мрежи предупреди за измамата на која за малку наседнала.
Нејзината објава во Фејсбук групата „Grčka info“ брзо се прошири на социјалните мрежи, како предупредување за измама која првично изгледа како добра намера на локалното население.
Како што објасни, инцидентот се случил на паркингот на маркетот Масутис во Неа Врасна, веднаш спроти автосервис, а на крајот се покажало дека местото воопшто не било случајно.
„Бев сама, и откако излегов од продавницата покрај автомобилот ме чекаше една жена која ми се обрати за да ми покаже голема дамка од темноцрвена течност под предниот десен дел од автомобилот – изгледаше како сериозно истекување. Таа ми се обрати дури откако влегов, го запалив автомобилот и тргнав. Потоа го исклучив, го заклучив и излегов од автомобилот за да видам за што се работи“, напиша Кристина.
Како што напомена, нејзиниот автомобилот бил на сервис еден ден пред патувањето, „беше во целосно исправна состојба, сè проверено и функционираше нормално“. Таа, исто така, забележала дека „течноста немала мирис, не била мрсна, била водена и малку лигава“ и „имало траги на бандажот и тркалото, како нешто да било истурено врз нив“.
„Сосема „случајно“, веднаш спроти Масутис има автосервис, ова ми го кажа еден минувач и ми предложи веднаш да одам таму и ни случајно да не го возам автомобилот во таква состојба. Поради местото и околностите, се сомневам дека некој намерно ја истурил течноста под автомобилот, за да изгледа како дефект и да ме поттикне да одам во сервисот преку улица, за што сведочи дамката на бандажот на тркалото (бидејќи ако нешто течело од автомобилот, немало да има траги таму). Постои и можност да сакале да ме намамат да излезам од автомобилот, а потоа некој да влета и да го украде автомобилот, но со оглед на тоа што паркингот беше речиси празен, тоа е помалку веројатно. За среќа, не изреагирав брзо и не отидов кај механичарот, туку му поверував на мојот инстинкт и бев во право. Се вратив во Србија вчера, а автомобилот е сосема исправен“, објасни Кристина.
„Внимавајте на вакви измами – особено ако сте жена која е сама на пат! Проверете го вашето возило, не паничете и веднаш не одете во првиот автосервис“.
