[ФОТО/ВИДЕО] Двајца загинати, 192 повредени и над 420 уапсени за време на прославата на победата на ПСЖ

Неколку автобуски постојки беа искршени, автомобили беа запалени, а полицијата беше нападната со пиротехника.

Во инцидентите загинаа две лица, а 192 беа повредени. Уапсени се над 420 лица.

Според париската полиција, многу од уапсените поседувале пиротехнички средства и запаливи материјали. На некои места беа употребени и водни топови и солзавец.

Министерот за внатрешни работи Бруно Ретахо остро го осуди насилството.

„Вистинските навивачи слават, додека варварите го уништуваат градот и ја провоцираат полицијата“, рече тој за мрежата X.

Илјадници навивачи учествуваа во прославата, а Ајфеловата кула беше осветлена во боите на клубот. И покрај инцидентите, атмосферата на многу места остана празнична.

Околу 5.400 припадници на полицијата и жандармеријата беа ангажирани за одржување на редот, објави шефот на париската полиција Лоран Нуњез.

Фудбалерот на ПСЖ, Усман Дембеле, апелираше до навивачите да останат смирени: „Славиме, но без насилство“, рече тој.

Парадата на шампионите е планирана за следните неколку дена, а се очекува играчите на ПСЖ да бидат пречекани на Шанзелизе во 17:00 часот. Фудбалерите на ПСЖ станаа европски шампиони за прв пат во историјата, победувајќи го Интер со резултат од 5:0