Пред да посегнете по суплементи, треба да запомните дека магнезиумот може да се внесе и на природен начин – преку исхраната. Постојат плодови богати со овој минерал, кои лесно можете да ги најдете на пазар или во продавница.

5 видови овошје богати со магнезиум кои треба почесто да ги консумирате

Иако семките, јаткастите плодови и интегралните житарки се познати извори на магнезиум, постојат и овошја што го содржат во значителни количини.

Банана (41 mg на 100 g)

Бананата е едно од овошјата со највисока содржина на магнезиум. Освен тоа, богата е и со калиум, растителни влакна и витамин Б6. Придонесува за здравје на срцето, добро варење и обезбедува енергија.

Како да ја консумирате: Јадете ја сирова како ужина, додадете ја во смути или комбинирајте ја со путер од кикирики за повеќе протеини.

Праска (околу 30 mg на 100 g)

Праските се слатки, освежителни и богати со магнезиум, витамин Ц и растителни влакна. Добри се за имунитетот, варењето и хидратацијата на организмот, особено во нивната сезона.

Како да ја консумирате: Јадете ја свежа, додајте ја во овошна салата или направете домашен компот.

Урми (50 mg на 100 g)

Урмите се вистинска ризница на влакна и минерали. Одличен избор се за природно зголемување на нивото на магнезиум, а особено се препорачуваат за трудници и лица со недостаток на железо.

Како да ги консумирате: Изедете 2–3 урми како ужина, додајте ги во десерти или, ако се суви и цврсти, потопете ги во вода преку ноќ за да омекнат и полесно да се сварат.

Кајсија (21 mg на 100 g)

Кајсиите, покрај магнезиум, содржат и витамин А и антиоксиданси. Го поттикнуваат варењето и се одличен избор ако сакате лесна и здрава закуска.

Како да ја консумирате: Јадете ја свежа, додајте ја во овошна салата или направете смути.

Авокадо (29 mg на 100 g)

Авокадото е овошје што во последниве години станува сѐ попопуларно и кај нас. Освен што содржи здрави масти, богато е и со магнезиум, поради што е одлично за срцето, мозокот и нервниот систем.

Како да го консумирате: Изгмечете го на интегрален леб, додајте го во салата или изматете го во кремасто смути.

Освен овошјето, магнезиум можете да внесете и преку други намирници:

• Семиња и јаткасти плодови: Семки од тиква, бадеми и индиски ореви се одлични извори.

• Зелен лиснат зеленчук: Спанаќ и блитва се богати со магнезиум.

• Мешунки: Грав и леќа се добар избор.

• Цели зрна: Овес, леќа и просо се корисен дел од здравата исхрана.

– Магнезиумот е важен минерал што ни помага да се чувствуваме добро, да имаме доволно енергија и да останеме здрави. Затоа, обидете се секојдневно да го внесувате преку разновидна исхрана богата со овошје, зеленчук, јаткасти плодови и житарки. Ако имате хронично заболување или земате лекови, консултирајте се со вашиот лекар пред значително да го зголемите внесот на магнезиум – советува нутриционистката.