Граѓани издејствуваа пајак службата да земе возило неправилно паркирано пред ресторан во скопско „Дебар Маало“. Луксузното возило ги изиритира граѓаните зошто беше паркирано сред велосипедската патека.
Полицаецот на должност кој е присутен заедно со вработените во пајак службата, првично се обидува да им објасни зошто не треба да се крева возилото, но по нивната упорност и откако се консултираше со некого вели „Кревајте го“, по што вработените во ПОЦ го земаат возилото.
МВР: Поршето не е на полициски службеник, настанот е од 22 март
Возилото било подигнато од страна на ПОЦ, а на возачот на возилото С.К. издаден му е платен налог.
„Ве информираме дека предметното возилото не е на полициски службеник“, велат од МВР.
Во врска со постапувањето пак на полициските службеници при подигнувањето на возилото, веќе постапува Одделот за внатрешната контрола, криминалистички истраги и професионални стандарди при МВР и по завршување на целокупната постапка соодветно јавноста ќе биде информирна.
