Според соопштението на Полициската управа на Фриско (FPD), која се наоѓа околу 50 километри северно од Далас, инцидентот се случил во среда, на 2 април, околу 10 часот на стадионот Кујкендал.

Од "FPD" потврдија дека дошло до конфликт помеѓу Меткалф и друг ученик, кој завршил со фатално прободување со нож.

Меткалф првично бил пренесен во локална болница, но подоцна им подлегнал на повредите. Тој бил ученик во Средното училиште „Меморијал“ во Фриско, каде што бил активен во трчање и американски фудбал.

„Бев многу горд на него …“ – Таткото на жртвата со болни зборови за својот син

Таткото на Остин, Џеф Меткалф, во изјава за "Fox 4" проговори за големата загуба:

„Тој требаше да стане извонреден човек и да има позитивно влијание врз светот. Бев многу горд на него.“

Со неверојатна емпатија, Џеф изрази сочувство и кон семејството на осомничениот.

„Сочувствувам со семејството на осомничениот, затоа што нивниот син сега ќе заврши во затвор и ќе мора да се соочи со фактот дека убил некого – го уништи мојот живот и го уби мојот син, кого никогаш нема да можам да го вратам. Ова е трагедија за сите нас.“

Осомничениот е идентификуван – 17-годишниот Кармело Антонио во притвор

Полицијата го идентификува Кармело Антонио (17) како главен осомничен за убиството. Тој се наоѓа во полициски притвор и се товари за убиство.

Антонио бил ученик во Средното училиште „Сентенијал“ во Фриско, кое се наоѓа во истата училишна област како и училиштето на Меткалф – Независниот училишен округ Фриско (ISD).

Според "ISD", нападот со нож се случил на атлетската патека, каде што се натпреварувале ученици од осум од вкупно дванаесет училишта во округот.

Деталите за тоа што точно довело до овој трагичен напад сè уште не се објавени, а истрагата за убиството продолжува.