Премиерот Христијан Мицкоски на собраниска говорница денеска покажа документи поврзани со партијата Левица и нејзиниот лидер Димитар Апасиев.
Мицоски тврди дека Левица на 26.11.2024 година купила деловен имот од 409 метри квадратни на Адвокатска улица зад седиштето на зградата на компанијата А1, верувале или не, за цена од 200.000 евра.
Зошто ова е кривично дело, професоре? Сега ќе ви кажам. Затоа што, Град Скопје ви пресметал данок од 709.000 денари. Ова кривично дело е преку универзална инцестициона банка. Познат ви е овој објект во Скопје?“
Град Скопје во проценката на имотот проценил дека тој вреди многу повеќе, односно 1150 евра за метар квадратен.
– Ги повикувам институциите да проверат дали има основа за кривично дело и дали Левица сторила кривично дело така што купила простор по цена од 721 евра за метар квадратен, а тој простор всушност вреди најмалку три пати повеќе? А од друга страна, Град Скопје тврди дека овој простор вреди најмалку 50% повеќе од сумата што е платена. Господине Апасиев, кога станува збор за кривични дела, се надевам дека органите ќе имаат можност длабински да истражат што е тоа што претставува кривично дело, но тоа што јас можам да ви го кажам е дека со криминалците нема играње, вклучително и со оние кои се потенцијални криминалци. Без разлика од која политичка партија доаѓаат, дали се од СДСМ, дали се од ДУИ, Левица или од ВМРО-ДПМНЕ – истакна Мицкоски.
Апасиев, пак, одговори дека партијата Левица купила подрумски простории со приземје и дека тоа е причината за ниската цена.
– Почитуван премиер, прво, Димче може да ме вика само мајка ми, а не вие. Второ, ова што го правите е „синдром на дива коза“ или „вербална дијареја“. Зборувате за сѐ освен за тоа што ве прашав. А тоа што ве прашав е всушност констатација дека вашите часовници вредат повеќе од таа зграда. Ние купивме подрумски простории со приземје, ете затоа е толкава сумата. Уште утре да ни поднесете кривична пријава, исто како што јас следната недела ќе поднесам против вас. Па нека ме повикаат во полициска станица и оној вашиот министер за внатрешни работи Панче Тошковски нека дојде да ме испрашува. А замислете, сето ова го кажува премиер на партија која е побогата од партијата на Ангела Меркел. Скријте се таму и немојте вие да зборувате за чесност – одговори Апасиев.
