Станува збор за едноставни, секојдневни активности кои лесно можат да станат дел од нашата рутина. А потоа, кој знае, можеби и ние ќе почнеме да се чувствуваме и изгледаме помлади, пишува „Е-клиника“.

Даваат приоритет на спиењето

Една заедничка особина на луѓето кои стареат побавно е тоа што му даваат приоритет на спиењето.

Спиењето не е само обично полнење батерии по долг ден. Тоа е време кога телото почнува да работи на обновување и подмладување на клетките, вклучително и оние во кожата. Ако скратуваме на спиењето, всушност му даваме помалку време на телото да ја заврши својата анти-ејџинг работа.

Но, не е важно само да спиеме доволно, туку и квалитетот на сонот. Луѓето кои стареат побавно често имаат доследна рутина пред спиење која им помага да се опуштат и да имаат добар ноќен одмор. Тоа може да биде читање книга, топла бања или лесно истегнување пред спиење.

Суштината е да се најде рутина што ви одговара и да се придржувате до неа.

Одржуваат хидратација

Важно е да се нагласи значењето на хидратацијата за општото здравје и стареењето. Луѓето кои се хидрирани изгледаат барем десет години помлади од своите врсници. Водата не само што ја прави нивната кожа свежа и млада, туку помага и во варењето и целокупното функционирање на телото. Кожата ќе биде посвежа и помалку сува, а секое утро ќе се чувствуваме поодморени, особено ако пред спиење испиеме чаша вода. Една од навиките што може да го забави стареењето и што треба да ја усвоиме е да останеме хидрирани, особено навечер.

Го ограничуваат времето пред екран

Во денешниот технолошки свет, лесно е да се изгубиме во „лизгање“ на социјалните мрежи или проверување на е-поштата непосредно пред спиење. Но, повеќето од нас не знаат дека оваа навика може да придонесе за побрзо стареење.

Сината светлина што ја емитираат екраните може да го наруши нашиот сон со тоа што ја потиснува продукцијата на мелатонин – хормонот што ги регулира циклусите на спиење и будење. А веќе рековме дека квалитетниот сон е клучен за забавување на процесот на стареење. Покрај тоа, прекумерната изложеност на сина светлина може да доведе до оштетување на кожата.

Луѓето кои стареат побавно знаат кога треба да ги исклучат своите уреди и да му дадат одмор на своето тело.

Практикуваат свесност

Без разлика дали станува збор за медитација, јога или едноставно поминување неколку минути во тивко размислување, овие луѓе ја разбираат важноста на смирувањето на умот и намалувањето на стресот. Стресот може да го забрза стареењето предизвикувајќи воспаленија и оштетувања на клетките.

Практикувањето свесност може да помогне во управувањето со нивото на стрес и да промовира чувство на внатрешен мир.

Затоа, добро е да се одвои неколку минути за ова во вечерната рутина. Тоа може да биде клучот за забавување на времето.

Одржуваат здрава исхрана

Кога станува збор за стареењето, она што го внесуваме во телото е подеднакво важно како и она што го правиме со него.

Нашите лоши навики во исхраната се рефлектираат врз нашата кожа. Прекумерното консумирање преработена храна треба да се замени со внес на повеќе свежо овошје, зеленчук и немасни протеини. Разликата брзо ќе стане видлива – кожата ќе почне да изгледа подобро.

Овој принцип важи и за нашите вечерни оброци. Луѓето кои стареат побавно често се одлучуваат за полесна вечера, богата со антиоксиданти и есенцијални хранливи материи кои ја поттикнуваат регенерацијата на клетките и го забавуваат стареењето.

Прават лесни вежби

За побавно стареење не е важно само она што го правиме непосредно пред спиење, туку и активностите во часовите што му претходат.

Лесното вечерно вежбање е вообичаена навика кај оние кои стареат побавно. Ова не значи задолжително одење во теретана на интензивен тренинг. Прекумерното вежбање доцна во текот на денот може да го наруши сонот. Наместо тоа, многу подобра опција е релаксирачка прошетка или лесни јога вежби.

Ова не само што помага телото да остане во форма и флексибилно, туку исто така придонесува за подобар сон.

Одржуваат позитивен начин на размислување

На крајот, можеби најважната навика од сите е одржувањето на позитивен начин на размислување.

Луѓето кои стареат побавно често имаат пооптимистички поглед на животот. Тие предизвиците ги гледаат како можности, а неуспесите како лекции. Ова позитивно размислување не само што ги прави посреќни, туку и им помага да се борат против стресот и анксиозноста – фактори за кои е познато дека го забрзуваат стареењето.

Без разлика како поминал денот, обидете се да го завршите на позитивен начин.

Насмевнете се, бидете благодарни и запомнете дека секој ден е подарок. Неверојатно е колку оваа мала промена може да влијае на целокупното здравје и процесот на стареење!

Суштината на елегантното стареење

Тежнеењето кон елегантно стареење често е баланс помеѓу природата и грижата за себе. Нашата генетика игра одредена улога – тоа е точно – но многу зависиме и од нашите животни избори и навики.

Но, покрај самите навики, постои еден основен принцип што ги поврзува: грижата за себе. Без разлика дали станува збор за приоритет на спиењето, одржување на хидратацијата или негување на позитивен став, секоја од овие навики, на крајот на краиштата, се сведува на грижата за себеси.

Одлуките што ги носиме денес директно можат да влијаат врз квалитетот на нашиот живот утре.